CZWIÔRTK, 12 gòdnika | KLËKA 12.12.2019

Maciej Bandur 12 grudnia 2019

W Somòninie w sobòtã to dô III Miedzëkòngresowi Zjôzd Młodëch Kaszëbów | Pòwstôwô projekt dlô spòrtowi halë w Łubianie w gminie Kòscérzna | W sobòtã je mòżno jic za danką w las – w przedgòdny akcji Nadlesyństwa Gduńsk

CZWIÔRTK, 12 gòdnika

W Somòninie w sobòtã to dô III Miedzëkòngresowi Zjôzd Młodëch Kaszëbów

Dlô tëch ze skòrnotą, cobë dzejac dlô promòcje kaszëbsczi kùlturë ë jãzëka – mdze w sobòtã 3. Miedzëkòngresowi Zjôzd Młodëch Kaszëbów. Ten bądze w Somòninie.
Mô słëżëc m.jin. jintegracëji – stądka w programie to dô kòncert kaszëbsczégò hip-hopù we wëkònanim Dôwida Złégò ë promòcją platczi z kaszëbsczima kòlãdama Weroniczi Cenôwë. Mdą téż warkòwnie. Mdze mógł pòznac tajemnoscë robòtë w radio ë telewizji abò zrëchtowac téatralny spetôczel w kaszëbsczim jãzëkù. – Pòtkanié je ôpen dlô wszëtczich chãtnëch do dzejaniô – zachãcô do ùdzélu wiceprzédniczka Klubù Młodëch Cassubia Dorota Miszewskô. Rzecze wespółòrganyzatór wëdarzeniô Eùgeniusz Prëczkòwsczi. 3. Miedzëkòngresowi Zjôzd Młodëch mdze 14. gòdnika w Gruńtowny Szkòle w Somòninie. Zaczątk ò 09:30. Ni ma trzeba sã zapisowac, wchód je fri dlô wszëtczich.

Pòwstôwô projekt dlô spòrtowi halë w Łubianie w gminie Kòscérzna

117 tës zł mdze kòsztôł projekt halë w Łubianie. Przetôrg, chtëren béł zrobiony bekańt przez gminã Kòscérzna, mô dobëté firma z Trzëgardu. Hala mô sã wëbùdowac kòl Karna Sztôłceniô. Zelony wid dlô ti bùdacje gminowi rôdzczi delë przed pôrã miesącama. Projekt mô pòwstac za niecałi rok – gôdô zastãpnik wójta gminë Kòscérzna Grégór Świtała. Czej pòwstanie dokùmentacëjô, gmina Kòscérzna mësli pòszëkac za bùtnowim wspiarcym na ùbùdowanié halë w Łubianie. Wstãpno taksëją, że ta mô sã wëbùdowac w trzech latach za kòl 6 mln zł.

W sobòtã je mòżno jic za danką w las – w przedgòdny akcji Nadlesyństwa Gduńsk

Spùscë sobie drzéwiã – zachãcają w Nadlesyństwie Gduńsk. „Dankòbranié” mdze w tã sobòtã w Copòce ë kòl lesniczówczi Wyspowo kòl Nowégò Dwòru Wejrowsczégò. Pòspólnô szëkba ë spùszczanié swòji danczi móże bëc przedgòdną przëgòdą dlô całi familëji. – W pierszi rédze móżemë bëc jednak zycher, że bóma mdze swiéżô, w procëmnoscy do tëch jimpòrtowónëch – gôdô Łukôsz Plonus z Nadlesyństwa Gduńsk. Drzéwiã mdze mòżno so nalezc ë spùscëc 14 gòdnika òd 8:00 reno do 03:00 òd pôłnia kòl lesniczówczi w Copòce ë przë lesniczówce Wyspowo kòl Nowégò Dwòru Wejrowsczégò. Dojôzd w òbadwa place mdze wërazno òznakòwóny. Nôlepi miec òdrechòwóné dëtczi – za dankã jednak przińdze 50 zł. Je trzeba téż zabrac mët séczerã abò żôgã do drzewa.



Current track

Title

Artist

Wybierz jeden z adresów: