Chcemë pòznac Lãbórg | Òrszula Walbùrg (3)

Piotr Ciskowski 8 kwietnia 2019

Dzysô w cyklu Chcemë pòznac Lãbórg drëdżi rôz zazérómë do tamtészégò mùzeùm. Tidzéń temù më pòznelë sylwetkã Paùla Nipkowa, co stwòrził kòncepcjã przesélaniô òbrazu. Dzysô Adóm Hébel òdemknął dwiérze do etnograficznëch zalów. Co tam jidze nalézc? Ò tim mù rzekła adiunktka mùzeùm w Lãbòrgù Òrszula Walbùrg. Tak richtich ò kòżdim ekspònace bë mógł rzec apartną historiã, le bë czasu nie sygło. Ale kùkniemë jesz jaczé rzeczë mògą zajinteresowac môłëch i wiôldżich.

Dzysô etnograficzny wëstôwk w Mùzeùm w Lãbòrgù to je téma partu naji serie. Nié blós 2 zale w kamienicë sã skłôdają na wëstôwk ò lëdowi kùlturze i nié samò òbzéranié ekspònatów to je to, co nama bédëją, ò czim w romòwie z Òrszulą Walbùrg dowiedzôł sã Adóm Hébel. Narobilë nama szmakã, ni ma co gadac! Ale jak kògòs nie jinteresëje co w kùchnie, le chce wiedzec jak wëzdrzało dobiwanié jestkù w bezwzglãdny biôtce niech òstónie z nama – zarô wrôcómë do Lãbòrga.

Adóm Hébel drëdżi rôz w najim cyklu zazdrzôł do Lãbòrga, tą razą cobë ùzdrzec etnograficzny wëstôwk. Wrażenié na nim zrobiłë dzywné nôrzãdła. Nic, le zajachac do Lãbòrga i zwiedzec. Òprócz etnografie mòżemë m. jin. pòznac archeòlogiczné zagadnienia tamtészi zemie, czë òbezdrzec tôrczã Nipkowa, ò jaczi materiał jidze ju òbezdrzec na radiokaszebe.pl Pòsobny wëdôwk cyklu w strzodã ò ti sami gòdzënie.



Current track

Title

Artist

Wybierz jeden z adresów: