Słuchaj Radia Kaszebe
    NW Kaszëbë oska 1

    Opublikowano 1 lutego, 2017 | przez Adóm Hébel

    Pòkrok rewòlucje – Òska w Lëzënie

    Kòl 60 lëdzy bëło na załóżczim zéńdzenim Karna Òska. Pòłowa z nich to ju nôleżnicë tegò Kòła.
    W sobòtã w gòscyńcu Czardasz w Lëzënie pòtkelë sã młodi lëdze z òkòlégò jaczi mają w planach midzë jinyma prowadzenié youtubòwégò karnôla, ùczbã kaszëbsczégò jãzëka, wanodżi i artisticzné ùtwórstwò.


    Gôdôł Radosłôw Grëba. Klip do mùzyczi to je ùdba na pòspólné dzejanié Òsczi i Cassubie. Co to je? Ò tim rzeczë Róbert Gróta – przédnik zdrëszonégò karna Cassubia.

    Sobòtné zéńdzenié w gòscyńcu Czardasz na jaczim dosżło do pòwstaniô Klubù  Òska to béł manifest młodëch jaczi chcą cos wicy. Strzód 60 òsobòwégò karna nikòmù do głowë nie przëszło, żebë gadac w jinym jãzëkù jak kaszëbsczi co w ùszłi generacje dzejarzi nie bëło taczé zycher.  Na zalë nie zafelało gòscy z gminë Żukòwò – karna Cassubia. Midzë nama je drëszba i ju w nôblëższich dniach lëdze ùzdrzą pierszi brzôd naji wespółrobòtë – gôdô Robert Grota – przédnik tegò sostrzanégò karna. Parłãczi naju midzë jinyma pòspólny himn młodëch.

    Rodzy sã alternatiwa. Młodi lëdze chcą bëc aktiwny, jima nie je wszëtkò równo, ale pòwôżno traktëją nôrodną sprawã. Przikładã je założenié karna Młodëch Kaszëbów Òska w Lëzënie. Karno mô dopiérze niecałé 3 dnie, ale ju w swòjëch régach mô wnet 30 nôleżników. Gremium złożoné ze wszëtczich nôleżników Zrzeszeniô z Wejrowsczégò Krézu jednogłosno wëbrało jinicjatórkã pòwstaniô karna Katarzënã Kankòwską-Filëpiôk.


    Krótkò gôdô ò planach na przińdnotã przédniczka karna. I dobrze, że krótkò, młodi mają robic a nié gadac! Jesz przed gromicznikòwima warkòwniama pòtkô sã Zarząd Òsczi cobë ùstalëc dalszé planë i sztrategiã, całi czas warają téż dogôdënczi z jinyma strzodowiszczama.

    Udostępnij: Share on Facebook0Share on Google+0Print this pageEmail this to someone


    O zespole







    Back to Top ↑