Słuchaj Radia Kaszebe
    Kaszëbë

    Opublikowano 22 stycznia, 2018 | przez Adóm Hébel

    Przédné jinicjatiwë Kaszëbsczi Jednotë w Rokù Emigracje

    Kaszëbi z wszëtczich krajów swiata zjednóny w deje – taczé je zamëszlenié Rokù Emigracje ògłoszonégò przez Kaszëbską Jednotã. Òrganizacjô, jakô mô wiele zapisónëch nôleżników za greńcą z leżnoscë 160-ti roczëznë wëjachaniô naszińców do Kanadë chce jich achtnąc a téż zwikszëc kòntaktë midzë nama w kraju i za greńcą.

    – Nôwôżniészim pąktã fejrowaniô mdze wëjôzd delegacje Kaszëbsczi Jednotë do Kanadë – gôdô przédnik òrganizacje Karól Róda.

    Lëdze, co mieszkają w jinëch stronach swiata proszony są ò wësélanié filmików i jinëch materialów w jaczich pòwiôdają ò swòjim żëcym na cëzy zemie. Z ti leżnoscë Jednota zachãcywô téż naszińców za greńcą do szëkaniô swòjëch kòrzeniów, a lëdzy na Kaszëbach do sznëkrowaniô za kréwnyma co òpùszczëlë tatczëznã. Rok Emigracje òbjimô téż tëch, co wëjachelë w jiné stronë Pòlsczégò Państwa i chcą pòczëc wikszą zrzesz ze swòjim domôcym.

    Klëka Radia Kaszëbë, 22.01.2018

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑