Słuchaj Radia Kaszebe

    Opublikowano 27 listopada, 2017 | przez Adóm Hébel

    Systema Spòlëznowò-Warkòwi Aktiwizacje w Redze

    Pòmòc w nalézenim robòtë z ùwzglãdnienim jindiwidualny sytuacje bédëje mieszkańcóm Redë Stowôra Dzieło Pomocy Rodzinie.

    „Kòżdi długò bezrobòtny mô jiną sytuacjã i brëkùje jinégò zortu pòmòcë” – klarëje Magdaléna Jackewicz

    Długòtrwało bezrobòtny, niéfùlsprawny, lëdze z problemama w fącjonowanim na rinkù robòtë – do nich czerowónô je programa “Systema Spòlëznowò-warkòwi aktiwizacje we wejrowsczim krézu”. Realizowónô je w Redze przez stowôrã Dzieło Pomocy Rodzinie. Na cykel kùrsów, zajmów i stażu mòże sã zapisywac do maja. W òbrëmienim projechtu chãtny dostnie kòmpleksową pòmòc w dostanim sã na rink robòtë – òpisywa na naji antenie Katarzëna Drëżińskô, nôleżniczka stowôrë Dzieło Pomocy Rodzinie.

    Ta programa realizowónô z Eùropejsczich Fùńduszów i bùdżetu Marszôłkòwsczégò Ùrzãdu zakłôdô jindiwidualné pòdchôdanié do ùbiégającëch sã ò plac w projechce.

    Mieszkańcowie Redë jaczi bë chcelë sã zgłosëc do ùdzélu w programie warkòwi aktiwizacje mògą nalézc kòntaktowé pòdôwczi na stronei dzielopomocyrodzinie.pl. Gôdkã z najima gòscama jidze òbezdrzec na radiokaszebe.pl

    Dobri Dzéń Kaszëbë, 27.11.2017

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑