Słuchaj Radia Kaszebe
    Wejrowò

    Opublikowano 31 maja, 2017 | przez Adóm Hébel

    Tôflë witającé w Dëchòwi Stolëcë staną we Wejrowie

    Kaszëbskô Jerozolëma mdze dôwała wiédzã ò tim, że sã je w Dëchòwi Stolëcë. Tôflë przë wjazdach do Wejrowa mają stanąc w nôblëższim czasu. Nôdpisë szlachùją za tima jaczé są na tôflach ùstawionëch we Gduńskù i Kartuzach.

    – Na Kaszëbach są rozmajité place kùltu, le ni ma wątplëwòtë, że religijną stolëcą je Wejrowò – przekònywôł w naji pòrénkòwi aùdicje Môrcën Drewa.

    Jinicjatór akcje, wejrowsczi radny Môrcën Drewa dostôł pòpiarcé dlô ti ùdbë z krézowégò starostwa i gardu Wejrowa. Terô żdże za robòtą kòmisje, jakô mô przërëchtowac kòsztoris i dofùlowac fòrmalnoscë. Terô procedurama zajimô sã kòmisjô w ùrzãdze gardu, jinicjatorowie zwrócą sã téż do Radzëznë Kaszëbsczégò Jãzëka z prosbą ò jãzëkòwą kònsultacjã. Môrcen Dréwa nie ùkriwô, że pòstawienié ti tôflë òdmikô mòżlëwòtã wprowadzeniô debëltny pòzwë môlëznë. Gôdkã z najim gòscã je do òbezdrzeniô na radiokaszebe.pl, swòje zdanié mòżeta wërazëc na facebookòwim profilu Radia Kaszëbë pòd òdjimkã z tôflą.

    Klëka Radia Kaszëbë, 31.05.2017

    Udostępnij: Share on Facebook0Share on Google+0Print this pageEmail this to someone

    Tagi: ,


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑