Słuchaj Radia Kaszebe
    Wejrowò

    Opublikowano 28 marca, 2018 | przez Adóm Hébel

    Tomôsz Fópka mdze zarządzywôł wejrowsczim mùzeùm

    Skùńcza sã 5-latnô kadencjô donëchczasnégò direchtora Mùzeùm Kaszëbskò-Pòmòrsczi Pismieniznë i Mzyczi we Wejrowie. Tomôsz Fópka, jaczi przejimnął zarządzywanié jinstitucją pół dekadë nazôd wësztartowôł w kònkùrsu i kòmisjô zdecydowa wëbrac gò nazôd na stanowiszcze direchtora.

    Na 440 pąktów dobéł 410. Za jegò donëchczasny kadencje to sã ùdało zòrganizowac skòpicą kònferencjów, wëdac wicy jak 60 ksążków, w tim spiéwnikù, przëcygnąc nowëch zwierdzywaącëch na ëdarzenia taczé jak Sabat Czarowniców – coroczné pòpùlarnoùczałé sesje z leżnoscë Dnia Białków i dobëc na dniowi wid taczé ùnikatë, jak zaregistrowóny głos Jana Trepczika. Przede wszëtczim w dzejaniach mùzeùm më mómë starã pamiãtac, żę to je jinstitucjô dlô lëdzy – pòdsztrichiwô Tomôsz Fópka. Wedle decyzje wëszëznów wejrowsczégò krézu Tomôsz Fópka mdze pełnił fąkcjã direchtora mùzeùm do 31 strëmiannika 2023 rokù.

    Klëka Radia Kaszëbë, 28.03.2018 | Foto: Powiat Wejherowski

    Udostępnij: Share on Facebook0Share on Google+0Print this pageEmail this to someone

    Tagi:


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑