Słuchaj Radia Kaszebe
    Wejrowò

    Opublikowano 9 marca, 2017 | przez Adóm Hébel

    Tuńce, lôtanié na miotle i spiéwë – we Wejrowie béł Sabat Czarowniców

    Sabat Czarowniców to je wëdarzenié ju czwiôrti rôz òrganizowóné z leżnoscë Dnia Białkow przez Mùzeùm Kaszëbskò-Pòmòrsczi Pismieniznë i Mùzyczi.

    – Më znajemë na Kaszëbach przikładë pôleniô, czë topieniô białków pòdezdrzónëch ò czarë, równak całé Pòlsczé Państwò w przërównanim do jinëch nie bëło òbswietloné stosama – przekònywô Aleksandra Pitra z Fùńdacje Sedlaka.

    Rozegracjô je pòdzelonô na ùczałi i artistny dzél. Prelegeńtczi pòwiôdałë ò rolë białków w rozmajitëch kùlturach i historicznëch cządach, bëło téż sã przëzdrzoné żimczi historie sądzeniô heksów. Wëkładë, chòc bëłë jaż sztërë, nie znudzëlë przëszłëch białków i chłopów. To równak nié wszëtkò. Òglowò më chcelë dzysô pòkazac aktiwnosc białków na wszëtczich gónach – gôdô direchtór Mùzeùm Kaszëbskò-Pòmòrsczi Pismieniznë i Mùzyczi Tomôsz Fópka. Òcemnicą, ò 7 wieczór bëło rozrzeszenié kònkùrsu na nôczekawszi sprzãt do lôtaniô. Całosc sã skùńczëła òbzéranim ùtwórstwa chłopa, ale z białkama w przédny rolë. Béł òdemkłi wëstôwk Zygmùńda Pałasza “Pałasz i jego Muzy w Muzeum”. Jeżlë kòmùs bëło mało czarów i krëjamnotów tej mógł sã zapòznac ze stôrim òbrzãdã scynaniô Kanie jaczé òrganizowa Fùńdacjô Sedlaka wespół z mùzeùm, a na Sabace bëła mòżlëwòta òbezdrzeniô òdjimków z tegò wëdarzeniô.

    Foto: Powiat Wejherowski

    Klëka Radia Kaszëbë, 09.03.2017

    Udostępnij: Share on Facebook0Share on Google+0Print this pageEmail this to someone


    O zespole







    Back to Top ↑