Słuchaj Radia Kaszebe
    Zdrowie

    Opublikowano 8 sierpnia, 2018 | przez Adóm Hébel

    Ùczëc relacjów dochtór-pacjeńt mdą na 11 Eticznym Areòpagù w Pùckù

    W hùrmie jinëch òbrzészków dochtorowie i dozérnicë nierôz zaniedbiwają swòjã wrażlëwòsc w gôdanim z pacjeńtama w czãżczi sytuacje i jich familiama.

    – Ten elemeńt je zaniedbóny i më chcemë ò nim przëbôcziwac – gôdô wespółaùtór Areòpagù Pioter Szeląg.

    Naprocëm temù wëchôdają ju 11 rôz òrganizatorowie Eticznégò Areòpagù – pòtkania sztudérów medicynë z ùczałima i praktikama, jaczi mają jich naùczëc gôdaniô z chòrima. Na wëkładach adepcë medicznégò warkù pòznają psychòlogiczné spòdlé relacjów z pacjeńtama, ale téż pòznają faktë i òddzelą je òd mitów na témã lékarzeniô marihùaną, czë pòznają zagadnienia zrzeszoné z transplantologią. Na wëkładach ùczba równak sã nie kùńczi. Plac wëdarzeniô – Hòspicjum pw. òjca Pio w Pùckù to môl, dze ùczãstnicë mògą sami ùzdrzec jak fąkcjonowac w tim òbrëmienim swòji robòtë – gôdô Ana Jochim-Labùda, direchtórka hòspicjum. Jakno òdpòczink òd drãdżich zagadnieniów, a téż mòżlëwòta pòznaniô môlowëch atrakcjów mdze windsurfing w Pùcczim Wikù. Areòpag Eticzny dlô sztudérów medicynë zacznie sã 19 zélnika i mdze dérowôł tidzéń.

    Klëka Radia Kaszëbë, 08.08.2018

    Udostępnij: Share on Facebook0Share on Google+0Print this pageEmail this to someone

    Tagi:


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑