Słuchaj Radia Kaszebe
    Kartuzë dzien autyzmu

    Opublikowano 29 marca, 2017 | przez Adóm Hébel

    W niedzelã Swiatowi Dzéń Swiądë Aùtiznë

    2 łżëkwiata minie pòd znakã zapòznôwaniô z témizną aùtiznë i pòtrzébów dzecy jaczé mają to zabùrzenié. W rozmajitëch jinstitucjach i placówkach chtërne sã zajimają lëdzama z dzecną aùtizną to dô rozmajité wëdarzenia jaczé mdą pòpùlarizowac tã témã.

    – Chcemë sã pòdzelëc doswiôdczenim z tima, co są wspòmôgającyma szkólnyma przëpisónyma dzecóm ze szpecjalnyma pòtrzebama – gôdô Barbara Bùlczôk z żukòwsczégò òstrzódka.

    Kònferencjã dze to mdze mógł pòznac metodë robòtë z aùtisticznyma dzecama òrganizëje Szpecjalny Szkòłowò-Wëchòwawczi Òstrzódk w Żukòwie. Starszich, szkólnëch, sztudérów i wszëtczich zajinteresowónëch òrganizatorowie rôczą w pòniedzôłk òd 10:00 do Ceńtrum Krizysowégò Zarządzaniô w Żukòwie. Jinicjatorama kònferencje są Szpecjalny Szkòłowò-Wëchòwawczi Òstrzódk w Żukòwie i stowôra Swiat Aùtiznë z Kartuz. Nad pòtkanim patronat mają òbjimniãti kartëskô starosta i bùrméster Żukòwa.

    Gôdkã z Barbarą Bùlczôk je do pòsłëchaniô na radiokaszebe.pl Dzéń Swiądë Aùtiznë mdze téż fejrowóny na nordze. W Pùckù fejrowanié mdze zrzeszoné z 20 roczëzną pòwòłaniô pierszi klasë dlô lëdzy ze szpektrum aùtiznë. 3 łżëkwiata w tamtészim Szkòłowò-Wëchòwawczim Òstrzódkù mdze pòkôzk módë w mòdrëch farwach – to je merk aùtiznë. W taczich farwach téż 6 łżëkwiata przeńdze szpecjalny marsz. Swiatowi Dzéń Swiądë Aùtiznë béł zajinicjowóny przez państwò Katar, mô ùswiądniwac spòlëznã ò tôklu aùtiznë i rozwijającëch sã terapiach jaczé mają pòmòc dzecóm z tim szpektrum.

    Foto: deon.pl

    Klëka Radia Kaszëbë, 29.03.2017

    Udostępnij: Share on Facebook0Share on Google+0Print this pageEmail this to someone


    O zespole







    Back to Top ↑