Słuchaj Radia Kaszebe
    Kaszëbë

    Opublikowano 11 kwietnia, 2018 | przez Adóm Hébel

    W séwnikù mdze premiéra Kamerdinera – kaszëbsczi sadżi

    Òstatny klaps na planie filmù Kamerdyner béł 9 łżëkwiata. Terô ùtwórcowie filmù mdą robilë przë dalszich etapach pòwstôwaniô produkcje, jaką òbezdrzimë premiérowò na Festiwalu Fabùlarnëch Filmów w Gdinie. Wëdarzenié mdze w dniach 17-22 séwnika.

    Akcjô filmù òbjimô wnet pół stalata – òd 1900 do 1945 rokù. Reżiséra òbrazu to je Filip Bajón, a scenarnik mają napisóné Mirosłôw Piépka, Michôł Prësczi i Mark Klat. We filmie dzéle scenarnika są pò kaszëbskù – jãzëkòwim kònsultańtã na planie béł Eùgeniusz Prëczkòwsczi, wedle chtërnégò ta produkcjô je baro wôżnym dokazã dlô naju. Film òpòwiôdô ò tragicznym kawlu naszińców w realiach II Swiatowi Wòjnë. Jednym z wôżniészich historicznëch wątków mdze scena mòrdu w Piôsznicë. Przédną rolã graje Janusz Gajos, jaczi téż dostôł kaszëbskòjãzëkòwé kwestie.

    Klëka Radia Kaszëbë, 11.04.2018

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑