Słuchaj Radia Kaszebe

    Opublikowano 15 marca, 2018 | przez Adóm Hébel

    W sobòtã pòbiegną dlô nôrodu – na trzecym Biégù Jednotë Kaszëbów

    W sobòtã pòbiegną dlô nôrodu – na trzecym Biégù Jednotë Kaszëbów.

    „Na Biégù wiedno je téż skòpicą biegaczów z bùtna Kaszëb” – zapòwiôdô Janusz Nowicczi z Ceńtrum Kùlturë, Promòcje i Spòrtu

    III Biég Jednotë Kaszëbów to leżnosc do aktiwnégò pòkôzaniô bùchë ze swòji nôrodnoscë. Do tegò zachãcywô Ceńtrum Kùlturë, Promòcje i Spòrtu we Wiôldżi Wsë, dze òrganizowóné je spòrtowé fejrowanié swiãta Jednotë. Na dzysô wiémë, że w sobòtã na sztarce stawi sã 298 miónkarzów. Jinternetowé zôpisë sã skùńczëłë w ùszłim tidzeniu, le ti, co chcą wësztartowac w biégù bądą mielë leżnosc dopisac sã na lëstã w piątk òd 4 pò pôłnim do 8 wieczór do terenowégò bióra Ceńtrum Spòrtu przë sztrase Towarowi i przed sztartã. Jak wiedno naji spòrtowcowie òbleką sã w ruchna z nôrodnyma symbòlama, le na Biégù wiedno je téż skòpicą biegaczów z bùtna Kaszëb – zapòwiôdôł na naji antenie Janusz Nowicczi z Ceńtrum Kùlturë, Promòcje i Spòrtu

    Sztart Biégù je ò 11:30 spòd Radnicë we Wiôldżi Wsë. Òrganizatorowie rôczą do biéganiô, a téż dopingòwaniô. Tradicjowò mdze mógł wëbrac distansë 5 i 10 km, pierszi szpùr mòżna téż przeńc z czijkama, a dzecë zmierzą sã na distansu 1238 métrów – szpùrze jaczi symbòliczno narzesziwô do datë pòjawieniô sã Kaszëbów w pisóny historie w bùlë papieża Grégòra IX z 19 strëmiannika 1238 rokù.

    Dobri Dzń Kaszëbë, 14.03.2018

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑