Słuchaj Radia Kaszebe

    Opublikowano 11 czerwca, 2018 | przez Adóm Hébel

    Wez bãdzë ambasadorã Kaszëbsczi Pielgrzimczi!

    Kòżdi mòże dołączëc do karna pielgrzimów, abò chòc pòmòc w dobiwanim chãtnëch i promòwanim jidzeniô w drogã. To je dobrô leżnosc, cobë pòznac samégò sebie, a téż jinëch lëdzy – rôczą ks. Grégór Kòscelniôk i Bartk Niemkewicz – pielgrzimòwie jaczi pòjawilë sã w sztudiu w aùdicje Dobri Dzéń Kaszëbë.

    Nie jidze le ò cél, ale téż ò drogã – drogã jakô je leżnoscą do pòznaniô swòjégò pòwòłaniô – gôdô ks. Kòscelniôk.

    Ambasadorã to mòże òstac pò skòńtaktowanim sã z òrganizatorama Kaszëbsczi Pielgrzimczi z Hélu na Jasną Górã.  Pielgrzimka rëgnie 25 lëpińca ò 6:00 reno z Hélu. Zapisywac to sã mdze mógł niedługò na stronie http://www.kaszubskapielgrzymka.pl/, je téż mòżlëwòta dopisaniô sã w drodze i dołączeniô.  Jak sã ùdało dowiedzec wiele lëdzy rozpòznało na szpùrze swòje pòwòłanié nié le do kapłaństwa, czë klôsztoru, ale téż żëcô w żeńbie a nawetka pòznôwają partnérów, zdôrzają sã téż zdënczi òb czas drodżi. To je kù reszce téż plac jaczi brzątwi kaszëbsczi nôród ë rozkòscérzô najã kùlturã strzód cëzëch – z Hélu rëszają téż Pòlôszë a lëdze zza greńcë.

    Dobri Dzéń Kaszëbë, 11.06.2018

     

    Udostępnij: Share on Facebook2Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑