Słuchaj Radia Kaszebe
    Edukacja

    Opublikowano 18 czerwca, 2018 | przez Adóm Hébel

    Wicy dzecy mdze w Naji Szkòle òd nowégò rokù

    Wicy dzecy mdze w Naji Szkòle òd nowégò rokù – rosce zajinteresowanié nowima metodama edukacje i sztôłtowanim swiądë młodëch.

    – Më mómë za sobą wiôlgą dënëgã zapisów, ale całi czas rôczimë do zapòznaniô sã z najim bédënkã – gôdô ùdbòdôwôcz Naji Szkòłë Artur Jabłońsczi.

    Zadanim je ùczenié kómpterencjów XXI stalata i przëbôcziwanié młodim kim òni są. Dwajãzëkòwô Naja Szkòła całi czas mô dwiérze òdemkłé dlô chãtnëch, co chcą wësłac swòje dzecë do ti priwatny kaszëbsczi szkòłë. Pò pierszim rokù fąkcjonowaniô je widzec zajinteresowanié nowima metodama – wëzwëskanim chromebooków i mùltimediów w edukacje, wiôldżim cëskã kładłim na ùczbã anielsczégò jãzëka i zanurziwanim dzecka w kaszëbiznie. Placówka całi czas rôczi do zazdrzeniô i zdecydowaniô sã na wësłanié swòjégò dzecka.

    Jinfòrmacje ò priwatny placówce to mòże nalézc na najaszkola.eu, pedagògicznô kadra rôczi téż do przińdzeniô pòd adresã Przemysłowa 20A we Wejrowie.

    Klëka Radia Kaszëbë, 18.06.2018

    Udostępnij: Share on Facebook0Share on Google+0Print this pageEmail this to someone

    Tagi:


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑