Słuchaj Radia Kaszebe
    Biegi

    Opublikowano 22 stycznia, 2018 | przez Sylwia Bartosik

    Wicy ja 80 lëdzy je ju zapisónëch na Biég Jednotë Kaszëbów

    Jegò trzecą ju edicjã òrganizëje Kaszëbskô Jednota we wespółrobòce z gminą Wiôlgô Wies i UKS Bliza.

    Biéganié w czôrno-złotëch farwach to je métel na manifestowanié pòspólnotë i przëbôczenié naji historie, co je dërżeniã Dnia Jednotë Kaszëbów. Më gò fejrëjemë 19 strëmiannika na wdôw pierszi pisóny nadczidczi ò Kaszëbach w papiesczi bùllë z 13-égò stalata. Trzecy Biég Jednotë Kaszëbów mdze 17 strëmiannika. Dlô dzecy ùrodzonëch w 2005 rokùi młodszich je distans jaczi przëbôcziwô datã wëdaniô historicznégò dokùmeńtu to je 1238 métrów. Dlô młodëch i ùstnëch to dô do wëbraniô 5 i 10 km. Òd łońsczégò rokù Dzéń Jednotë we Wiôldżi Wsë fejrëją téż lubińcowie nordic walking – do przeńdzeniô mdą mielë 5 km. Swój ùdzél to mòże zgłaszac przez jinternetowi fòrmùlar na stronie elektronicznezapisy.pl.

    Na lëstã sã wpisało donëchczas 80 lëdzy. Kòl biégaczów z Nordë téż m. jin. z Przëwidza, Warszawë, Wrocławia i Czãstochòwë. Pòwrózk wa nalézeta na radiokaszebe.pl i m. jin. na facebookù Stowôrë Kaszëbskô Jednota.

    Klëka Radia Kaszëbë, 22.01.2018

    Udostępnij: Share on Facebook37Share on Google+0Print this pageEmail this to someone


    O zespole







    Back to Top ↑