Słuchaj Radia Kaszebe
    Gduńsk

    Opublikowano 8 lutego, 2017 | przez Sylwia Bartosik

    Witro mdą Òrmùzdowé Skrë wrãczoné

    Witro mdą Skrë Òrmùzdowé wrãczoné. To je nôdgroda miesãcznika Pòmeraniô za rozkòscérzanié kaszëbsczi kùlturë, dzejanié bez robieniô wkół se trzôskù, biôtkòwanié z drãdżima warënkama strzodowiszcza, spòlëznowé jinicjatiwë w òbrëmienim kùlturë.

    Karno dobiwców je tak wielné jak łoni, to dô jich sédmë. Strzód nich Bernadéta i Czesłôw Bieliccë – ùtwórcowie Mùzeùm „Bielickòwò” w gminie Przedkòwò i spiéwôczka Werónka Kòrtas mòckò zaangażowónô w kònkùrs Kaszëbsczi Jidól w Radio Kaszëbë. Skrã dostnie téż Jerzi Krefta z partu KPZ w Kòlbùdach, Hana Makùrôt – aùtórka pierszich ùczałëch dokazów w kaszëbsczim jãzëkù i Mariô Michalik – nôleżniczka KArna Piesnie i Tuńca „Gdiniô” z nôdłëgszim stażã. Kòlegium miesãcznika Pòmeraniô ùdbało téż nôdgrodzëc Jaceka Pùchalsczégò – realizatora zwãkù wiele platków, słëchawiszczów i aùdiobóków ë Riszarda Szwòcha – przédnégò redachtora Kòcéwsczich Zôpisków.

    Òrmùzdowé Skrë za 2016 rok mdą wrãczoné witro na galë w Mieszczańsczi Zalë Stôromiejsczi Radnicë we Gduńskù ò 5:30 pò pôłnim.Na ùroczënie òdebierze téż Sztipendium m. Jizabelë Trojanowsczi nasz ùszłi redachcjowi kòlega Grégór Renusz.

    Klëka Radia Kaszëbë, 08.02.2017

    Udostępnij: Share on Facebook0Share on Google+0Print this pageEmail this to someone


    O zespole







    Back to Top ↑