Słuchaj Radia Kaszebe

    Opublikowano 10 października, 2018 | przez Adóm Hébel

    Wòjcech Rëbakòwsczi – Szpëtôkel „Pùstô Noc”

    Artisticzné przedstawienié Pùsti Nocë bédëją w tim tidzeniu artiscë, strzód nich Macéj Miecznikòwsczi.

    Do refleksje ò przemijanim i pamiãcë ò ùmarłëch rôczą artiscë pòd czerownictwã Wòjcecha Rëbakòwsczégò. Pùstô noc – nigle òdéńdzesz dëszo to je mùzyczno-wizualny szpëtôkel, jaczi przëblëżiwô przedpògrzébòwi zwëk i jegò teòlogiczné spòdlé. Zaspiwają Katarzëna Biereckô i Macéj Miecznikòwsczi, aùtorã mùzyczi je Cézari Pôcórk, dirigòwac mdze Jack Brzoznowsczi, reżiséra szpëtôklu to je Wòjcech Rëbakòwsczi. To dô téż wątk jaczi dô wiele aùtenticznoscë – mdą spiéwelë chłopi z Lëzëna, co pò prôwdze towarzą ùmarłim w jich nocë przed slédną stegna.

    Gôdôł na naji antenie Wòjcech Rëbakòwsczi. To równak nie je pòkôzanié zwëkù jeden do jednégò, le jegò artisticznô jinterpretacjô.Dëchòwé przeżëca mdą zòbrazowóné wizualizacjama przërëchtowónyma przez Artura Wëszëcczégò i Wòjcecha Òstrowsczégò.

    Tekst napisôł Jerzi Stachùrsczi. Pierszi przedstôwk mdze 11 rujana we wejrowsczi kòlegiace ò 7:30 wieczór. Dzéń pózni ò ti sami gòdzënie artiscë wëstąpią w kòlegiace w Gdinie.

    Dobri Dzéń Kaszëbë, 08.10.2018

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑