Słuchaj Radia Kaszebe
    Styl życia

    Opublikowano 27 czerwca, 2017 | przez Anna Cupa-Dziemińska

    WOPR apelëją cobë wëbiérac òznakòwóné kąpielëszcza

    Zaczinô sã sezón wëpòczinkù nad wòdą. Nôleżnicë Wòdnégò Dobrowólnégò Retënkòwégò Pògòtowiô apelëją cobë wëbiérac kąpielëszcza òznakòwóné i wachtowóné przez retowników.

    – Cobë nie dopùscëc do tragedie chcemë wëbiérac pilowóné kąpielëszcza, nie zachòwiwac sã nieòdpòwiedzalno i nie wchadac w wòdã pò alkòhòlu – przëbôcziwô Macéj Szulc, wiceprzédnik kòscérsczégò WOPR.

    Na westrzédnëch Kaszëbach to dô wicy jak 60 taczich môlów, w tim 30 w kòscérsczim krézu, wnet 20 w kartësczim i 16 w bëtowsczim. Òd witra do naju mô przińc richtich hëc. Retownicë apelëją, cobë pamiãtac ò gradowim schłodzywanim cała cobë to nie dało termicznégò szokù. Z rapòrtu WHO wëchôdô, że kòżdi rok na swiece tonie wicy jak 370 tësący lëdzy. To je jedna z 10 nôczãstszich przëczënów stratë żëcégò.

    Klëka Radia Kaszëbë, 27.06.2017 | Foto: WOPR Kościerzyna

    Udostępnij: Share on Facebook0Share on Google+0Print this pageEmail this to someone








    Back to Top ↑