Słuchaj Radia Kaszebe
    Festiwal

    Opublikowano 28 grudnia, 2017 | przez Sylwia Bartosik

    XIII Pòmòrsczi Kònkùrs Kaszëbsczi Gòdowi Spiéwë w Szëmôłdze

    Soliscë i karna mògą sã zgłaszac na Kònkùrs Kaszëbsczi Gòdowi Spiéwë. Òn mdze 26 stëcznika, termin zôpisów minie dwie niedzele rëchli. Òrganizator to je Mùzeùm Kaszëbskò-Pòmòrsczi Pismieniznë we Wejrowie ze Szkòłowò-Przedszkòłowim Karnã w Szëmôłdze mët.

    Przewidzoné mają piãc kategòriów – òd przedszkòlów i nulklasów pò strzédné szkòłë i ùstnëch. Kònkùrs mdze 13-ti rôz, mô wòjewódzką rangã i jegò zadanié to m. jin. pòpùlarizowanié nowëch dokazów. Gminë zgłôszają do pòmòrsczégò finału pò dwùch reprezeńtańtów z kòżdi kategòrie. Przëjimóné są téż zgłoszenia solistów i karnów z môlëznów, jaczé nie przeprowadzëłë gminowëch eliminacjów. Nômłodszi zaspiéwią pò jedny piesnie, a w drëdżich kategòriach dwie – jednã a capella, drëgą z mùzycznym pòdkładã. Taksowac mdą wiérnosc i jãzëkòwą pòprawnosc, wëkònanié mùzyczi i òglowé artistné wrażenié. Kòmisjô dô téż bôczenié na dobiér repertuaru. Pòdpòwiédz z jaczich zdrojów nôlepi kòrzëstac je dołączonô w regùlaminie. Jegò mòże nalézc – z Kôrtą Ùdzélu mët – na jinternetowi stronie Mùzeùm Kaszëbskò-Pòmòrsczi Pismieniznë i Mùzyczi we Wejrowie. Zôpisë dérëją do 12 stëcznika.

    Klëka Radia Kaszëbë, 28.12.2017 

    Udostępnij: Share on Facebook0Share on Google+0Print this pageEmail this to someone


    O zespole







    Back to Top ↑