Słuchaj Radia Kaszebe

    Opublikowano 23 lutego, 2017 | przez Adóm Hébel

    Zbigórz Bëczkòwsczi – edukacjô włączô w kùlturã

    Edukacjô jakno włączenié do ùczãstnictwa w kùlturze – taczé zdrzenié na ùczbë kaszëbsczégò mdze przedstawioné na kònferencje we Wejrowie.

    „Za mało bôczënkù dôwómë na historiã i kùlturã w ùczbie” – gôdô Zbigórz Bëczkòwczi – „blós dzãka ti wiédzë sã wié czemù pò kaszëbskù gadac.”

    Karno Sztudérów Zemia Rodnô i Kaszëbskò-Pòmòrskô Wëższô Szkòła w sobòtã òdmikają swòje dwiérze dlô samòrządarzów, dzejarzi, szkólnëch i direchtorów szkòłów, cobë razã słëchac prelekcjów i diskùtérowac ò tim, jakô je richtich rolô kaszëbsczi edukacje i jaczé zadania mô jesz przed sobą. To ju drëgô kònferencjô òrganizowónô przez Zemiã Rodną – pòdsztrichiwô Zbigórz Bëczkòwsczi, przédnik karna. Latosy prelegeńcë sã skùpią na nawzôjnym cëskù kùlturalny aktiwnoscë i edukacje. Wëstąpią midzë jinyma dr Eùgeniusz Prëczkòwsczi jaczi rzecze ò rolë swiónowszégò sanktuarium, Dariusz Majkòwsczi chtëren przedstawi bëtowsczé rozrzeszenia, a Tomôsz Fópka zaprezeńtëje stegnã trôfianiô do młodëch przez mùzykã. Jak gôdôł w naji pòrénkòwi aùdicje Zbigórz Bëczkòwsczi całi czas mùszimë szëkac nowëch rozrzeszeniów, edukacjô całi czas mô swòje słabé stronë, midzë jinyma za mało bôczënkù sã pòswiãcywô ùczbie historie i kùlturë. Kònferencjô „Edukacja kaszubska a przygotowanie do uczestnictwa w kulturze” mdze w bùdinkù Wëższi Szkòłë we Wejrowie na Banhòfòwi 7 w sobòtã òd 9:00 reno.

    Dobri Dzéń Kaszëbë, 20.02.2017

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑