Słuchaj Radia Kaszebe
    Bëtowò

    Opublikowano 1 lutego, 2017 | przez Adóm Hébel

    Zómk w Bëtowie to je sedzba Zôpadnokaszëbsczégò mùzeùm

    Ta jinstitucjô pòkazywô historiã terenu jaczi w skalë Kaszëb je specyficzny – zôpadny dzél regionu òd strzédnëch stalatów jaż do przedwòjnowégò cządu biwôł w jinëch państwòwëch pòdmiotach jak reszta.

    Zaczãło sã 45 lat nazôd na môłim rëmie, dzysô Mùzeùm to òkróm czile bùdinków w òkòlim Bëtowa 3 kòndignacje dôwnégò krzëżacczégò zómkù. A terô prawie mùzeùm rôczi do pòznaniô historie sami placówczi – gôdôł na naji antenie Jaromir Szréder, czerownik etnografnégò dzéla ti jinstitucje. Sóm gòsc widnikòwi aùdicje dostôł z leżnoscë roczëznë Hònórną Òdznakã Zasłëżony dlô Pòlsczi Kùlturë dôwóną przez Minystra Kùlturë. Jistné wëprzédnienia dostelë Tomôsz Semińsczi, Janusz Kòpëdłowsczi i Macéj Kwaskewicz. Aktualno Mùzeùm włączëło sã w fejrowóny przez Zrzeszenié Rok Józefa Chełmòwsczégò jaczégò sztaturë wëfùlowiwają zapleczé zómkù i żdżą za wëstôwkama pòswiãconyma temù ùtwórcë. Tradicjowò mùzeùm latos òrganizëje Casssubia Cantat – przezérk nowëch aranżacjów piesniów registrowónëch przez Jinstitut Kùńsztu Pòlsczi Akademie Nôùczi òd 1945 rokù i wëdónëch w platce Cassubia Incognita.

    Foto: Zamek w Bytowie

    Klëka Radia Kaszëbë, 01.02.2017

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑