Słuchaj Radia Kaszebe
    NW Kaszëbë

    Opublikowano 10 sierpnia, 2017 | przez Adóm Hébel

    Piôsznica – ò zbrodnie gôdają bez niezgarë

    Ò hitlerowsczi zbrodnie w jãzëkù kùńsztu a nié niezgarë chcą gadac òrganizatorowie projechtu „Piôsznica – kùltura placu”. To je cykel pòtkaniów i warkòwniów dlô młodëch, na jaczich òni pòznôwają historiã placu mòrdu z czasów II Swiatowi Wòjnë a téż sã stikają z kùńsztã.

    We wtórk 08.08 z Piôsznicczim Sanktuarium harcerzowie z Chrzanowa sã ùczëlë filmòwaniô równoczasno zapòznôwającë sã z témą. Témą, ò jaczi dzysô to je nót gadac czësto jinaczi jak pôrãdzesąt lat nazôd – pòdsztrichiwôł bëtny na pòtkanim kùstosz sanktuarium ks. Daniél Nowôk

    Artistny wątk pòtkaniô zagwësnilë mùzukańcë z Mòskwë. Jak gôdô nôleżnik karna Alieksjej Jużin, spiéwôk i giatrzista – Piôsznica to je jeden z placów jaczi pòkazywô zbrodnie totalitarnëch systemów, jistné òn najdiwô w swòji tatczëznie.

    Piôsznica – kùltura placu to je projecht jaczi mô gadac ò straszlëwëch wëdarzeniach bez niezgarë, pòkazac òfiarë jakno aùtenticznëch lëdzy wëznôwającëch wôrtnotë. Cziledzesąt pòtkaniów mô téż zwikszëc historiczną wiédzã òsoblëwie młodégò pòkòleniô.

    Teatralnô jinscenizacjô realizowónô téż w òbrëmienim projechtu mdze òb jeséń na Piôsznicczich Dniach.

    Na widnikù Kaszëbë, 09.08.2017

    Udostępnij: Share on Facebook0Share on Google+0Print this pageEmail this to someone

    Tagi: , , ,


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑