Słuchaj Radia Kaszebe

    Opublikowano 13 stycznia, 2017 | przez Adóm Hébel

    Anéta Adamczik – towarzimë bezrobòtnym całi czas

    We Wejrowie pòwstało Ceńtrum Spòlëznowi Jintegracje. Ta jinstitucjô wespółrobi z MOPSã i Ùrzãdã Robòtë cobë pòmòc bezrobòtnym w czãżczi sytuacje. Nie jidze le ò nalézenié robòtë na sztërk, le ò całowną pòmòc zaczinającą sã òd edukacje, a kùńczącą na psychòlogiczny pòmòcë i kù reszce łączbie z robòtodôwôczã i dobiwanim ùmiejãtnotów.

    Ceńtrum to je efekt pòzytiwno rozpatrzonégò projechtu finansowóny z eùrodëtków. „Krok do przodu”, bò tak sã nen projecht nazéwô mô zaktiwizowac tëch chtërnym nôczãżi je so ùradzëc na rinkù robòtë – lëdzy długò bez robòtë, z czãżką materialną i familijną sytuacją.

    Pòmòc je czerowónô do mieszkańców wejrowsczégò krézu a jich òdbiércama są midzë jinyma klijeńcë MÒPSu. Pierszé karno zacznie fąkcjonowac w pòniedzôłk. Pòsobny lëdze mògą sã zgłosziwac, wszelejaczé jinfòrmacje dadzą Òstrzódczi Spòlëznowi Pòmòcë, mòże téż przińc do Ceńtrum, jaczé je we Wejrowie na sztrasë Pùcczi 11, òdemkłé òd 8 do 4.

    Dobri Dzéń Kaszëbë, 13.01.2017

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑