Słuchaj Radia Kaszebe
    Kôrsëno

    Opublikowano 10 stycznia, 2017 | przez Anna Cupa-Dziemińska

    Co trzecą złotówkã w bùdżece gmina Kôrsëno dô na jinwesticje

    Wnet 30 procent bùdżetu gmina Kôrsëno dô latos na jinwesticje. To mdze rekòrdowi rok jeżlë jidze ò finanse – zapòwiôdają wëszëznë samòrządu.

    – Te wszëtczé jinwesticje më zrealizëjemë dzãka eùrodëtkóm – gôdô wójt Róman Brunka.

    W przëjãtim przez radnëch ùchwôlënkù nôwôżniészô jinwesticjô to je mòdernizacjô òczëszczalnie sceków w Cysewiu, za ji pòstawienié przińdze wicy jak 3 mëliónë złotëch. Wëszëznë Kôrsëna planëją téż, wôrtną 2 mln zł przebùdowã sztrasë ks. Wrëczë we Wielim i pòstawienié kòłowi stegnë z Wielô do Kôrsëna. Pòsobną wiôlgą jinwesticją latos mdze skùńczenié bùdacje nowi sedzbë Ùrzãdu Gminë. Na ten cél to dô 2 mln zł.

    Klëka Radia Kaszëbë, 10.01.2017

    Udostępnij: Share on Facebook0Share on Google+0Print this pageEmail this to someone

    Tagi:








    Back to Top ↑