Słuchaj Radia Kaszebe
    Wejrowò

    Opublikowano 28 grudnia, 2016 | przez Adóm Hébel

    Diskùsjowi Klub Ksążczi rôczi na pòtkania w 2017 rokù

    Gardowô Pùblëcznô Bibloteka m. Aleksandra Majkòwsczégò we Wejrowie wespół z kaszëbsczima wëdôwiznama rôczą na pòtkania Diskùsjowégò Klubù Kaszëbsczi Ksążczi.

    Òstatné pòtkanié sã tikało ksążczi „Psë” Stanisława Janczi z ùdzélã samégò aùtora. Rëchlészé zéńdzenia z ùtwórstwã Kristinë Léwnë i Rómana Drzéżdżóna to téż bëła leżnosc do skònfrońtowaniô swòjégò pòzdrzatkù z zamëszlënkã aùtorów. Më rôczimë wszëtczich, téż tëch, co nie czëtają na co dzéń pò kaszëbskù. – Tekstë jaczé wëbiérómë nie mdą drãdżé nawetka dlô tëch co nie znają naszi lëteraturë – zagwësniwô prowadnik pòtkaniów Dariusz Majkòwsczi. Témą pòsobnégò zéńdzeniô Diskùsjowégò Klubù Kaszëbsczi Ksążczi je dokôz Grégòra Szramczi “W raju” jaczi pòwiôdô ò żëcym migrańtów na Britijsczich Òstrowach. Mòże gò nalézc w antologie pòwiôstków wësłónëch na kònkùrs Jana Drzéżdżóna. Wstãp do bibloteczi miona Aleksandra Majkòwsczégò na pòtkanié je wòlny. Ò dokładnym terminie zéńdzeniô më jesz rzeczemë na naszi antenie.

    Klëka Radia Kaszëbë, 28.12.2016

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑