Słuchaj Radia Kaszebe
    Wejrowò

    Opublikowano 20 stycznia, 2017 | przez Adóm Hébel

    Gôdelë ò tôklach emigracje òpisónëch w pòwiôstce „W Raju”

    Zdradë, rozczarzenié, òderwanié òd kòrzeniów – to je realnota lëdzy na emigracje òpisónô w pòwiôstce „W Raju” ò jaczi bëło gôdóné w Diskùsjowim Klubie Ksążczi.

    Na strzodowim pòtkanim karna lubòtników lëteraturë bëlë przëszłi lëdze nié blós z Wejrowa. Témą bëła pòwiôstka Grégòra Szramczi, jakô òpisywô kawel lëdzy z Pòlsczi jaczi za dëtkama i lepszim żëcym są wëjachóny do gardu Burton we Wiôldżi Britanie. Jak pòdsztrichiwelë ùczãstnicë – òkróm aktualny żëwi témiznë i czekawi fabùle na bôczënk zasłëgiwô jãzëk dokazu. Niejednëch razy mòcny cëzy cësk anielsczich słowów, równak Szramkòwą jãzëkòwą sztilizacjã w òbronã wzął Róman Drzéżdżón. Dodôwô Stanisłôw Janka. Gôdka baro chùtkò przëszła na samą problematikã dzysdniowi emigracje, mieszkaniô na grëpie za greńcą, òbëczajowëch zmianów i globalizacje. Sóm dokôz to jidze przeczëtac w zbiérkù „Chceta wiãcy krëwi?”

    Pòsobné pòtkanié Diskùsjowégò Klubù Kaszëbsczi Ksążczi je planowóné na gromicznik.

    Klëka Radia Kaszëbë, 20.01.2017

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑