Słuchaj Radia Kaszebe
    Imprezy

    Opublikowano 22 czerwca, 2018 | przez Adóm Hébel

    Jubileùsz 40-lecô ùtwórstwa bądze fejrowôł Stanisłôw Janka

    Ùtwórca prozë, pòézje i repòrtażów bądze fejrowôł 40 lat artistny robòtë. Stanisłôw Janka z Lëpùsza, dzysô mieszkający we Wejrowie pòdrechùje donëchczasną dzejalnosc wëdanim trzech zbiérków donëchczasnëch tekstów i jubileùszã w Mùzeùm Kaszëbskò-Pòmòrsczi Pismieniznë i Mùzyczi.

    – Plac fejrowaniô nie je przëtrôfkã – Wejrowò zòbòwiązywô mie do twòrzeniô na wësoczi niwiznie – gôdôł Stanisłôw Janka na gazétny kònferencje.

    Promòwóné mdą tedë tekstë dlô dzecy wëdóné przez Kaszëbskò-Pòmòrsczé Zrzeszenié, pòézjã dlô ùstnëch zaprezeńtëje zbiérk “Kaszëbskô dwigô sã w spiéwie”, a Mùzeùm przërëchtëje ksążkòwi wëdôwk jegò historicznëch repòrtażów. Baro wôżnym dlô nôrodny pùblicysticzi je wëdanié “Języka u wagi. Opowieści o Kaszubach nieznanych” – 50 historicznëch repòrtażów, jaczé – co gôdała kòòrdinatórka projechtu wëdaniô tekstów Ana Kąkól – òbjimają repòrtaże Janczi pùblikòwóné òd 70 lat. Jubileùsz mdze 4 gòdnika w Mùzeùm Kaszëbskò-Pòmòrsczi Pismieniznë i Mùzyczi we Wejrowie.

    Klëka Radia Kaszëbë, 22.06.2018 | Foto: Ryszard Dariusz Nalepka

    Udostępnij: Share on Facebook0Share on Google+0Print this pageEmail this to someone

    Tagi:


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑