Słuchaj Radia Kaszebe
    Kaszëbë

    Opublikowano 23 stycznia, 2017 | przez Adóm Hébel

    Kaszëbskô Gromada to je bédënk Kaszëbsczi Jednotë

    Kaszëbskô Gromada jakô ùwzglãdniwô głosë wszëtczich Kaszëbów to je bédënk Kaszëbsczi Jednotë.

    Jak czëtómë na kaszebsko.com “ni mòże bëc tak że karenkò lëdzy dôwô so prawò do gôdaniô za wszëtczich”. Słowa te narzesziwają do kòntrowersjowi decyzje ò ùznanim Marsza Derdowsczégò za kaszëbsczi himn na Naczelny Radzëznie ò jaczi më ju gôdelë. Taką decyzjã wedle sygnatariuszów pismiona bë miałë pòdjimac wszëtczé strzodowiszcza, tak jak to bëło na dwùch Kaszëbsczich Kòngresach. Pierszi z nich w 1946 rokù béł czësto òddolną rësznotą, drëdżi w 1992 rokù, nimò, że béł òrganizowóny pòd egidą Zrzeszeniô, włącziwôł jinëch lëdzy. Dzysô je nót Kaszëbsczi Gromadë, jakô w zamëszlenim ni mô bëc jednorazowim wëdarzenim, le regùlarnym fòrum wszëtczich Kaszëbów, jaczi wëbierzą do niegò przedstôwców. Na terô ni mómë jesz pòdóné terminów realizacje ti pòdjimiznë ani nie znajemë òdpòwiesców jinëch stowôrów i pòdmiotów do jaczich ten projecht je czerowóny.

    Klëka Radia Kaszëbë, 23.01.2017

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑