Słuchaj Radia Kaszebe
    Jinfòrmacëje

    Opublikowano 17 stycznia, 2017 | przez Adóm Hébel

    Klëka 2017.01.17 (csb)

    • Przédnô Radzëzna Kaszëbskò-Pòmòrsczégò Zrzeszeniô mô ùchwalëc jakô piesniô je kaszëbsczim himnã.
    • Dlô młodëch lëteratów – je ògłoszonô czwiôrtô edicjô kònkùrsu „Twòrzimë w Rodny Mòwie”.
    • Ò problémach z robòtą i żëcym za greńcą òni mdą gadac na Diskùsjowim Klubie Kaszëbsczi Ksążczi.

     


    WTÓRK, 17 stëcznika

    • 21 stëcznika to cało mô sã pòtkac i pòdpisac – ùchwôlënk zgódno z jaczim himnã je Marsz Heronima Derdowsczégò z mùzyką Feliksa Nowòwiejsczégò.

    Co ten dokùmeńt wniese do diskùrsu ò nôwôżniészich piesniach? Ò tim Adóm Hébel.

    • Do pisaniô pò kaszëbskù czwiôrti rôz rôczi Kaszëbsczé Liceùm w Brusach i Karno Ekònomiczno-Ùsłëgòwëch Szkòłów z Bëtowa – szkòłë wëcmanim òrganizëją kònkùrs dlô młodëch lëteratów „Twòrzimë w rodny mòwie”.

    Zadanié ùczãstników to je napisanié jednégò dokazu równo ò czim i w jaczim lëteracczim ôrce. To mògą bëc wiérztë, pòwiôstczi abò dramaticzné tekstë. Haùbzach, żebë to bëło pò kaszëbskù – pòdsztrichiwô wespółòrganizatórka Felicjô Bôska-Bòrzëszkòwskô. W kònkùrsu „Twòrzimë w rodny mòwie” mòga sztartowac gimnazjalësce, ùczniacë wëzigimnazjowëch szkòłów i ti, co przódë zdôwelë maturã z kaszëbsczégò jãzëka. Dokazë mòże zgłosziwac do kùńca gromicznika.

    • Ju czwiôrti rôz lubińcowie lëteraturë sã pòtkają – na Diskùsjowim Klubie Ksążczi we Wejrowie.

    Pòtkanié jak wiedno pòprowadzy Dariusz Majkòwsczi, a na zéńdzenié mòże przińc kòżdi chto chce lepi pòznac i pòdzelëc sã wrażeniama z lekturë dokazów. Tą razą na warstat jidze pòwiôstka jakô swòją témą je blëskô dzysdniowémù człowiekòwi – zachãcywô Dariusz Majkòwsczi. Zéńdzenié mdze w strzodã ò 5 pò pôłnim w Gardowi Biblotece m. Aleksandra Majkòwsczégò we Wejrowie. Przińc mòże kòżdi, a w bùdinkù bibloteczi mòże téż dostac wiadła ò tim co aktualno je do przeczëtaniô i dze ten tekst nalézc. Ùdbòdôwôcze Klubù skùpiwają sã na krótczich dokazach tak cobë kòżdi niezanôleżno òd czasu namienionégò na lekturã i rozmiałoscë mógł so z tekstã pòradzëc.

    Radio Kaszëbë, 11:55

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑