Słuchaj Radia Kaszebe
    Jinfòrmacëje

    Opublikowano 10 kwietnia, 2017 | przez Adóm Hébel

    Klëka 2017.04.10 (csb)

    • Wicy jak sto lëdzy bëło na Jastrowim Frisztëkù dlô biédnëch w Kòscérznie.
    • W Piôsznicë béł zaczãti piąti cykel Kaszëbë Biegają.
    • Serakòjce jinspirëją na Jastrë – dzãka kermaszowi i pòkôzkòwi swiątecznégò stołu.

     


    PÒNIEDZÔŁK, 10 łżëkwiata

    • Wicy ja sto lëdzy bëło na Jastrowim Frisztëkù – dlô biédnëch w Kòscérznie.

    Ju czwiôrti rôz je zòrganizowałë: stowôra Caritas i Civitas Christiana. Òkróm pòspólnégò môltëchù bëło przëszëkòwóné 240 jastrowëch pakétów dlô tëch co mają nôgòrszą materialną sytuacjã. Darënczi są ze zbiérczi jôdë, jaką òni mielë w kòscérsczich składach prowadzoné. W akcjã sã zaangażowało wicy jak sto wòluntérów. Jastrowi Frisztëk béł w sobòtã w Karnie Pùblëcznëch Szkòłów nr 1 w Kòscérznie.

    • Wnet 800 biegaczów bëło w Piôsznicë ùtczëc pòmòrdowónëch – to bëła téż jinaùgùracjô piątégò cyklu Kaszëbë Biegają.

    W przédnym biégù na szpùrze 10 km riwalizowało wicy jak pół tësąca biegaczów. Pierszi na mece béł Sebastión Wąsycczi – dobiwca pierszi edicje, strzód białków dobëła Mónika Czapiewskô – dobiwcka cyklu Kaszëbë Biegają z łońsczégò rokù. Biégòwé swiãto to béł dzél fejrowaniô gminë Wejrowò jaczé ùpamiãtniwô pôrãnôsce tësący lëdzy – colemało pòmòrsczi jinteligencje – pòmòrdowónëch na zôczątkù II Swiatowi Wòjnë w Piôsznicczich lasach. Cykel Kaszëbë Biegają mdze dérowôł do rujana. Pòsobné na sztartowi lësce są Kartësczé Sztrasowé Biedżi 29 łżëkwiata.

    • Serakòjsce jinspirëją na Jastrë – ju dzewiąti rôz tam to dało swiąteczny kermasz i pòkôzk jastrowégò stołu.

    W serakòwicczim karnie wëżigimnazjalnëch szkòłów to mógł kùpic rãczno zrobioné òbzdobë i ùszmakac tradicjowëch pùlwerkùchów i mazurków. Dzecë sã ùczëłë òbzdabiac i pakòwac darënczi. Klarowała Jiréna Kùlwikòwskô z Gminowégò Òstrzódka Kùlturë w Serakòjcach.

    Radio Kaszëbë, 11:55

    Udostępnij: Share on Facebook0Share on Google+0Print this pageEmail this to someone


    O zespole







    Back to Top ↑