Słuchaj Radia Kaszebe
    Jinfòrmacëje

    Opublikowano 3 lipca, 2017 | przez Adóm Hébel

    Klëka 2017.07.03 (csb)

    • Gramatika Hanë Makùrôt nie je normatiwnô – cwierdzy Radzëzna Kaszëbsczégò Jãzëka. Pò kriticzny recenzje Maceja Bańdura w strzodowiszczu ùczałëch warô diskùsjô.
    • Wicy biesadë i jintegracje – taczé wniosczi dlô przińdnëch òrganizatorów Zjôzdu Kaszëbów mielë fòrmùłowóné latosy zjôzdowicze.
    • Czwiôrti numer Kaszëbsczi Zemi ju dostãpny na starnie internetowi Młodi Kaszëbi.

     


    PÒNIEDZÔŁK, 3 LËPIŃCA

    • Wëdónô latos Normatiwnô Gramatika Kaszëbsczégò Jãzëka – Hanë Makùrôt wëwòła diskùsjã.

    Wedle Maceja Bańdura, nie òpisywô realnégò stanu dzysészégò jãzëka, je sztëcznô i òpiartô ò pòlsczé mòdło. Stanowiszcze mni kriticzné zajãła Radzëzna Kaszëbsczégò Jãzëka – ò sprawie rzecze Adóm Hébel.

    • Lëzëno to mdze gòspòdôrz – 20 Swiatowégò Zjôzdu Kaszëbów w 2018 rokù.

    Decyzjô je ògłoszonô na latosnym pòtkanim w Rëmi. Ti co jachelë nazôd Transcassubią na gòrąco gôdelë co òni bë chcelë zmienic na drëdżi rok we fòrmùle Zjôzdu. Pòdsztrichiwelë że je nót wicy jintegracje i stwòrzeniô jednégò pòspólnégò placu zôbawë. Baną nazôd jacha téż Ana Cupa-Dzemińskô.

    • Kaszëbskô Zemia to cządnik jaczi je wëdôwóny przez Młodëch Kaszëbów – z karnów „Cassubia” z Banina i „Òska” z Lëzëna.

    Na starnie internetowi młodi-kaszëbi.info mòżna nalezc kożdi donenczasowi numr tego pismiona e przeczëtac czwiôrti – nonowszi wedowk miesãcznika. Wiãcy ò tim 4-tim numrze rzecze Katarzëna Kankòwskô-Filëpiôk, przédnô redaktórka Kaszëbsczi Zemi. To ju wszetko w ti Klece. Ostanita z Radia Kaszebe!

    Radio Kaszëbë, 11:55

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑