Słuchaj Radia Kaszebe
    Jinfòrmacëje

    Opublikowano 7 lipca, 2017 | przez Adóm Hébel

    Klëka 2017.07.07 (csb)

    • Drëdżé pòtkanié Festiwalu Kaszëbsczich Filmów. Tak wiôldzi frekfencje jesz nie bëło.
    • Czôłenkama na wòdë kaszëbsczi kùlturë – wëjachelë ùczãstnicë Spłiwù Szlachama Remùsa w òkòlim Kòscérznë.
    • Problemë Katalonów w sądze – mòcnô pòzycjô jich jãzëka zagrożonô.

     


    PIĄTK, 7 LËPIŃCA

    • Drëdżi pòtkanié Festiwalu Kaszëbsczich Filmów – bëło w Restaùracji „Mùlk” w Miszewie.

    Tak wiôldzi frekfencje na festiwalu jesz nigdë nie bëło. Na projekcjã filmù „Mòcôrz” ò Danielu Czapiewsczim przëjachało kòl 200 sztëk lëdzy, strzód nich nôbliższa rodzëna, drësze i drëszczi – gôdôł Eùgeniusz Prëczkòwsczi, udbodowcae artisticzny czerownik festiwalu. Titëlowégò kaszëbsczégò “Mòcôrza” wspòminała Grażina Rezlaw. Edujacjowé dobroctwa filmù wskazëje Macej Czapiewsczi – bracyna Daniela Czepiewsczégò. Wedle niegò film pòkazëje jak mòżna żëc i robic na rzecz kaszëbiznë. Pòtkanié festiwalowé bëło nié leno leżnoscą do wspòminków, ale téż wëdarzenim jaczi pòkôzało moc kaszëbsczich filmów i pòtrzebã jintegracje lëdzy wkół kaszëbsczich temiznów.

    • Dérëje prawie 32 Czôłenkòwi – Spłiw Szlachama Remùsa.

    Ùczãstnicë zwiedzywają Kaszëbë przez przemierzanié rzéków i jezorów, a téż pòznôwanié kùlturë, jãzëka i lëteraturë. Kòżdi wieczór czëtóné są wëjimczi pòwiescë Aleksandra Majkòwsczégò, jaczich akcjô dzeje sã w placach, jaczé są przëstankama w wanodze wòdniaków. Latos je jich wicy jak 60. To wiôlgô lëczba, bò w najëch czasach wiele lëdzy czôłenkama jedze apart, më równak dobrze sã czëjemë w grëpie – przekònywają ùczãstnicë. To, co przëcygô to téż mòżlëwòta pòznaniô żëwi kùlturë przë wëstãpach mùzycznëch karnów czë stand upie – gôdô òrganizatór Edmùńd Szczesôk. Zamëszlënkã załóżcë – Janusza Kòwalsczégò bëło zòrganizowanié wëpòczinkù sparłãczonégò ze zwiksziwanim swiądë Kaszëbów, òsoblëwie tëch co robią i mieszkają za greńcama swòjégò regionu. Dzysô wiôldżi dzél ùczãstników to Pòlôszë, jaczi są zafascynowóny lasama i jezorama. Czas na jezorach, przë ògniszczu i w celtach spãdzywają wszëtczé pòkòlenia – òd dzecy do seniorów. Spłiw Szlachama Remùsa je òrganizowóny kòżdi rok przez szpecjalny kòmitet na zôczątkù latnëch feriów.

    • Szpańsczi Kònstitucyjny Sąd ùchilëł rozpòrządzenia katalońsczégò rządu jaczé miałë na celu zwikszëc – bëtnosc katalońsczégò jãzëka w pùblëcznym żëcym i edukacje.

    Do tegò wzéwała rządzącô partiô. Ò sprawie rzecze Adóm Hébel.

    Radio Kaszëbë, 11:55

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑