Słuchaj Radia Kaszebe
    Jinfòrmacëje

    Opublikowano 18 lipca, 2017 | przez Adóm Hébel

    Klëka 2017.07.18 (csb)

    • Paùlëna Wãserskô ze Serakòjców to je pierszô absolweńtka etnofilologie na Gduńsczim Ùniwersytece.
    • Nëże! – rësził pierszi internetowi pórtal w kaszëbsczim jãzëkù.
    • Kaszëbsczi chléb je piekłi w Kanadze.

     


    WTÓRK, 18 lëpińca

    • Paùlëna Wãserskô ze Serakòjców to je pierszô absolweńtka etnofiologie – na Gduńsczim Ùniwersytece.

    Pôrã dniów nazôd òna òbroniła licencjacczi dokôz pòswiãcony jãzëkòwim zagadnienióm w Słowniku gwar kaszubskich na tle kultury ludowej ks. Bernata Zëchtë. Pòwòłónô 3 lata slôdë etnofilologiô na Gduńsczim Ùniwersytece to je pierszi kaszëbsczi czerënk na wëższich sztudiach. Latos gò skùńczi 6 lëdzy, jaczi dostną kwalifikacje do ùczeniô kaszëbsczégò jãzëka w spòdlëcznëch szkòłach. Jakno pierszô diplomã skùńczeniô sztudiów òdebra Paùlëna Wãserskô. Etnofilologiczné sztudia warają 3 lata i sã kùńczą licencjatã. Pò nich absolweńc mògą wëbrac 2 latné magistersczé sztudia na pôrãnôsce czerënkach. Prawie warô rekrutacjô na pierszi. Zajinteresowóny sztudérowanim etnofilologie bë sã mielë zaregistrowac na pòrtalu Gduńsczégò Ùniwersytetu do 27 lëpińca.

    Nëżë! to pierszi pórtal internetowi jaczi w całoscë je w kaszëbsczim jãzëkù.

    • Pòmësłodôwca i realizatorama pórtalu są młodi kaszëbsczi dzejarze – Adóm Hébel i Katarzëna Kankòwskô-Filëpiôk.

    Gôdała Katarzëna Kankòwskô-Filëpiôk. Pórtal Nëżë! je dostãpny na internetowi stronie: wiednoneze.com.

    • Kaszëbsczi chléb béł pierszim jaczi béł piekłi i jadłi – przez Kaszëbów z Kanadë.

    Co czekawé w tim môlu chléb ten je piekłi do dzysô w òpiarcim ò tradicjową kaszëbską recepturã w jaczi òkróm sztandardowich składników są téż bùlwë i kwasnié mlékò. Dzysdnia nen chléb je pòpùlarny nié leno wstrzód kandaijsczich Kaszëbów, ale téż rodowitëch Kanadijczików – ò czim gôdô Stanisłôw Wãsiersczi, chtëten ùdbôł sobie piec kaszëbsczi chléb w Òntario w Kanadze. Midzë jinszima nen kaszëbsczi chléb pòkazëje jak rodzony Kaszëbczi przenoszają tradicje z rodny zemi na grunt kanadijsczi.

    • Na szpacér pò Grabówkù rôczi witro Kaszëbsczé Fòrum Kùlturë –  i gdińsczi part Kazëbskò-Pòmòrsczégò Zrzeszeniô.

    To je pòsobnô òdsłona cyklu historiczno-krajoznawczich szpacérów. Jich cél to je pòznôwanié, òpisywanié i dokùmeńtowanié òbiektów i placów jaczé narzesziwają do bëtnoscë Kaszëbów w terôczasnëch greńcach Gdinie. Ùdzél je bezpłatny. Zbiérka witro ò pół szósti pò pôłnim kòle przédnëch dwiérzów do Mòrsczi Akademie.

    Radio Kaszëbë, 11:55

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑