Słuchaj Radia Kaszebe
    Jinfòrmacëje

    Opublikowano 2 sierpnia, 2017 | przez Adóm Hébel

    0

    Klëka 2017.08.02 (csb)

    • Kataloniô zarzucô Kònstitucjowémù Tribùnałowi stronniczosc – w sprawie samòstójnotowégò refereńdum.
    • W gminie Chòczewò òni mòdernizëją bòjiszcza – w Cekòcënie na gminowim sztadionie.
    • Jesz w tim miesącu Chmielno i Zôwòrë sparłãczi chòdniszcze i kòłowô stegna.

     


    STRZODA, 2 zélnika

    • W kraju ze stolëcą – w Barcelonie bùgrëje.

    Na niecałé dwa miesące przed planowónym refereńdum w sprawie òdłączeniô sã òd Królestwa Szpanie katalońsczi parlameńt przëjimô pòprôwkã ùstawù jaczi mô przëspiészëc proces rëchtowaniô welacjów, na co nie zgôdzô sã szpańskô strona. Ò sprawie wié wicy Adóm Hébel.

    • Na mòdernizacjã dwùch bòiszczów òni wëzwëskają feriową paùzã w gmine Chòczewò – na gminowim sztadionie i w Cekòcënie.

    Na bòjiszczu przë spòdlëczny szkòle je wiéchrzëzna wëmieniwónô. – Stôrô ju bëła wëbrëkòwónô do nédżi – gôdô wójt gminë Chòczewò Wiesłôw Gąbka. Zôs jinterwencjô na gminowim sztadionie przë Lëdowim Spòrtowim Karnie Latarnik bëła mùszebnô, żebë so pòradzëc z deszczówką jakô sã zbiérô na place pò wikszich òpadach. Remòńt bòjiszczów w Cekòcënie i Chòczewie kòsztô gminã wicy jak 35 tësący złotëch, robòta mdze dérowac do zôczątkù séwnika.

    • Jesz w tim miesącu Chmielno i Zôwòrë mdą sparłãczoné – chòdniszczã i kòłową stegną.

    To je skùńczenié jinwesticje sprzed dwùch lat – czej òni mielë przebùdowóné mòst w Zôwòrach i kilométrowi sztëk drodżi w stronã Chmielonka. Pòwsta téż kòłowô stegna, parkplac i slip do wòdowaniô wòdnégò sprzãtu. Terô piechtno-kòłowi cyg je bùdowóny w stronã Chmielna, docelowò mdze téż mógł przejachac na kòle wkół jezora Kłodno – òpisywô wójt gminë Chmielno Jerzi Grzegòrzewsczi. Dëcht jak z mòdernizacją mòstu w Zôwòrach kòsztama bùdacje stegnë i chòdniszcza sã mają pòdzeloné gmina Chmielno i kartësczi kréz. Do gromadë za to przińdze 700 tësący złotëch.

    Radio Kaszëbë, 11:55 

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.



    Komenatrze wyłączone.





    Back to Top ↑