Słuchaj Radia Kaszebe
    Jinfòrmacëje

    Opublikowano 4 sierpnia, 2017 | przez Adóm Hébel

    Klëka 2017.08.04 (csb)

    • Kaszëbskô etnofilologiô w tim rokù nie rëgnie – zapòwiôdô Gduńsczi Ùniwersytet.
    • Òszëkańcowie dzejający metodą „na wnuczka” i „na szandarã” zôs są aktiw – na szczescé to sã jima nie ùdało nikògò òszëkac.
    • Wëszëznë Brusów zaczinają nôwikszą termòmòdernizacjową jinwesticjã w gminie.

     


    PIĄTK, 4 zélnika

    • Kaszëbskô etnofilologiô latos nie rëszi – Gduńsczi Ùniwersytet zamknął rekrutacjã przë za môłi lëczbie sztudérów i zapòwiôdô, że to nie dô dodôwkòwëch terminów.

    Sprawa sã pòtkała z òdpòwiescą natëchstopach kaszëbsczich strzodowiszczów czëjącëch nieùbëtk w ti sytuacje. Do protestu dołącziwô Radio Kaszëbë, jaczé przëwòłiwô przikładë jinëch miészëznowëch czerënków w Eùropie, jaczé przez swòjã specyfikã są òdmikóné nawet dlô nômiészich karnów absolweńtów strzédnëch szkòłów. Wicy ò sprawie Adóm Hébel.

    • Òszëkańcowie dzejający metodą „na wnuczka” – i „na szandarã” są zôd aktiw.

    Fąkcjonariusze dostôwają wiedno wicy zgłoszeniów òd stôrëch lëdzy, jaczi delë na to òbacht i nie delë sã òkradnąc. Taczich zygnalów w ùszłëch czile dniach bëło w pòmòrsczim ju czilenôsce. W jednym przëtrôfkù to dzãka bôczlëwòscë robòtniczczi bankù 80 lat stôrô białka nie stracëła wszëtczich swòjëch dëtków. Seniorka ze Gduńska ùwierzëła òszëkańcowi jaczi rzekł, że òn je z pòlicje. Cwierdzył, że dëtczi w bankù są zagrożoné, temù òna je mùszi wëpłacëc i przelôc na kòńto Pòlicje. Grozył téż aresztã i sztrôfą 10 tësący złotëch. Richtich szandarze radzą, żebë w taczich sytuacjach òpasowac i wëkònac kòntrolny telefón – na przikłôd na kòmeńdã pòlicje. Apelowa Magdaléna Fòrmela z Krézowi Kòmeńdë Pòlicje w Kartuzach. Nôlepi próbã òszëkaństwa jak nôrëchli zgłosëc szandaróm.

    • Wëszëznë Brusów zaczinają nôwikszą – termòmòdernizacową jinwesticjã w gminie.

    To je gruńtowny remòńt i wëmiana zdrojów cepła w Karnie Szkòłów w Lubni. Za wszëtkò przińdze wicy jak 1 mln 600 tësący złotëch. To je dzél wikszégò projechtu na jaczé brusczi samòrząd dostôł łoni 3 mln złotëch eùrodëtków. Przewidiwô téż termòmòdernizacjã przedszkòłowëch òbiektów w Brusach i Cziczkòwach ë wiejską swietlëcã w Zalesym. – Më zaczinómë òd nôwikszégò zadaniô, to je szkòłë w Lubni – gôdô bùrméster Witóld Òsowsczi. W Karnie Szkòłów w Lubni wãglową kòtłowniã zastąpi piéck òpôliwóny biomasą. W planach je téż wëmiana òbswietleniô na ledowé lãpë i mòntaż fòtowòltajicznëch ògniwów.

    Radio Kaszëbë, 11:55 

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑