Słuchaj Radia Kaszebe
    Jinfòrmacëje

    Opublikowano 7 sierpnia, 2017 | przez Adóm Hébel

    0

    Klëka 2017.08.07 (csb)

    • Przedstôwcowie môłëch nôrodów na Kaszëbach – zaczinô sã Diversity Festival, jaczégò òrganizatorã je Pòmòraniô.
    • W Gnieżdżewie òni sã mògą sami ze se smiôc – razã z letnikama na corocznm festinie „Figle gnieżdżewsczich gbùrów”.
    • Naszã kùlturã w pële pòznelë w Rëmi – na 24-tim Kaszëbsczim Jôrmarkù.

     


    PÒNIEDZÔŁK 7-mi zélnika

    • Festiwal Różnorodnoscë òdbiwający sã z jinicjatiwë – YEN-u zaczął sã we Gduńskù.

    Rozegracjô mô pòkazac jãzëkòwą różnorodnosc i pluralëznã ë jich dodôwną wôrtnotã w dzysdniowim swiece. Artistné zajmë ë jintegracjô to nié wszëtkò co planëją òrganizatorowie – karno sztudérów Pòmòraniô. Na warającym do sobòtë festiwalu mdze téż gôdóné ò wôżnym cedlu – ò sprawie rzecze Adóm Hébel.

    • Rozmiec sã smiôc ze samëch se to je kùńszt – kòméńtérowelë òbzérnicë jinscenizacjów pòwiôstczi Jana Patoka w Gnieżdżewie w gminie Pùck.

    Salwë smiéchù i brawa wëwòła próba ùtopieniô wãgòrza – rëba mia przez to dostac sztrôfã za zjedzenié solonëch slédzów, jaczé gnieżdżewiôcë próbòwelë chòwac w błotkù. Na festinie „Filgle gnieżdżewszich gbùrów” sã bawilë ju dzesąti rôz – Na zôczątkù béł strach, czë nie wskrzesymë złoslëwëch pludrów, le dobëło rozmienié szpòrtu – spòminô Élwartów Jón. Pòdsztrichiwô szôłtës Gnieżdżewa Zbigórz Jagelôk. Na festinie „Figle gnieżdżewsczich gbùrów” ùroczësté pòdzãkòwanié dostôł kabaret Bëlôk, zaangażowóny w òrganizacjã rozegracje òd ji pierszi edicje.

    • Do niejednëch to béł pierszi kòńtakt z kaszëbską kùlturą, dlô drëdżich to stałi pąkt na kôrce môlowëch atrakcjów – kaszëbsczé kòrzenie Rëmi to béł prowadny mòtiw niedzélnégò jôrmarkù.

    Na stojiszczach królowało regionalné rãkòdzeło i frikasë, na binie Gardowégò Dodomù Kùlturë wëstãpiwałë kaszëbsczé karna. – To je rozegracjô dlô letników, le téż mieszkającëch tu Pòlôchów a téż Kaszëbów – gôdô direchtórka rëmsczégò MDK Agnes Skawińskô. Na kaszëbsczim jôrmarkù w Rëmi rozegrelë kôrtowi turniér „Baszka” jaczi kùńcził latosé rozgriwczi òrganizowóné przez rëmsczi part Kaszëbskò-Pòmòrsczégò Zrzeszeniô.

    Radio Kaszëbë, 11:55 

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.



    Komenatrze wyłączone.





    Back to Top ↑