Słuchaj Radia Kaszebe
    Jinfòrmacëje

    Opublikowano 17 sierpnia, 2017 | przez Adóm Hébel

    Klëka 2017.08.17 (csb)

    • Nie mdzemë pitac ò zgòdã Brukselë – gôdają katalońsczi pòliticë ò samòstójnotowim refereńdum.
    • To je dërch nót pòmòcë dlô pòszkòdowónëch przez chaje. W kòscérsczim krézu nôbarzi żdżą za nią w Lëpùszu i Dzemianach.
    • Letczi, le niewëzbëti przemëszlënkù szpëtôkel bédëją na Zelonym Sztrądze w Pùckù – w piątk i sobòtã w wëkònanim karna Wieko od Trumny

     


    CZWIÔRTK 17 zélnika

    • Planowóné na 1 rujana referendum w sprawie òddzeleniô Katalonie òd Królestwa Szpanie mdze zòrganizowóné za zgòdą Eùropejsczi Ùnie, abò bez ni – taką deklaracjã złożił nôleżnik eùroparlameńtu z remieniô Wòlny Eùropejsczi Przëstojiznë Jordi Solé.

    Sprawie sã przëzdrzôł Adóm Hébel.

     

    • To je dërch pòtrzébnô pòmòc dlô pòszkòdowónëch przez chaje – do Ùrzãdów Gminów w Lëpùszu i Dzemiónach to mòże przënaszac wòdã do picô i jestkù dlô ògniarzów, a téż paliwò i prowadnicë ë lińcuchë do żôgów.

    Sprzątanié pòwalonëch bómów z energeticznëch pasów i pólnëch drogów mdze jesz wiele dniów warało. Mieszkańcowie òbadwùch gminów ni mają dërch sztrómù, je téż ògreńczony telefòniczny i jinternetowi syg. – Më liczimë na kòżdą pòmòc – gôdô Maria Żëwickô, sekretéra gminë Lëpùsz. Wczora pòmòc dlô mieszkańców Lëpùsza dałë wëszëznë gminë Przëwidz. Pòsobnô zbiérka darów je prowadzonô we Wiôldżi Wsë. Rzeczë pòtrzébné mieszkańcóm Lëpùsza to mòże halac witro ò 6:00 na Skwer Halera przë Mòrsczi sztrase we Wiôldżi Wsë.

    • Teater na sztrądze scygnie do Pùcka lubińców binowëch kùńsztów – ju w ten piątk i sobòtã.

    Trupa „Wieko od Trumny” pò jinscenizacje Dżadów Mickewicza i czile jinëch produkcjach, w tim mònodramach – zaprezeńtëje nama letczi, le niewëzbëti jintelektualny wôrtnotë szpëtôkel Sławomira Mrożka pt. „Szczęśliwe wydarzenie”. Temù, że to są ferie, miast kòmùdnëch wizjów më bédëjemë pòmachtóną i energeticzną historiã – zapòwiôdô òdtwórca jedny z przédnëch rolów Bartosz Boniecki. Szpëtôkel mdze òdegróny dwa razë na Zelonym Sztrądze w Pùckù – 18 i 19 zélnika ò 8 wieczór. Temù, że je taczi plac jinscenizacje më rôczimë, żebë zagwësnic so wigòdã i przëniesc sztrądowi sprzãt – gôdała w aùdicje Na Widnikù Kaszëbë aktorka Hana Głowienke. Szpëtôkel „Szczęśliwe wydarzenie” to mdze mógł òbezdrzec na Zelonym Sztrądze w piątk i sobòtã. Kòżdégò dnia to sã zaczinô ò 8:00 wieczór.

    Radio Kaszëbë, 11:55 

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑