Słuchaj Radia Kaszebe
    Jinfòrmacëje

    Opublikowano 25 sierpnia, 2017 | przez Adóm Hébel

    Klëka 2017.08.25 (csb)

    • Do pierszégò zwónka corôz blëżi – Naja Szkòła we Wejrowie przërëchtowónô na przëjãcé dzecy
    • Gbùrze szkòdowóny przez chaje bë mielë jak nôrëchli zgłosëc nen fakt w ARIMR
    • Żukòwò 80 tës. zł, Gdiniô pół mln. – samòrządë na miarã swòjëch mòżlëwòtów chcą wesprzéc gminë szkòdowóné przez chaje

     


    PIĄTK, 25 zélnika

    • Do pierszégò zwónka corôz blëżi – Naja Szkòła we Wejrowie przërëchtowónô na przëjãcé dzecy.

    Priwatnô szkòła, jakô mô naùczëc żëcô w mùltimedialnym swiece i rozwijac kaszëbską swiądã zacznie swój pierszi szkòłowi rok. Nowé metodë ùczbë wzbùdzëłë wiôldżé zajinteresowanié starszich i dzecy, jaczi ju za tidzéń pòtkają sã na rozpòczãcym rokù. Ò sprawie rzecze Adóm Hébel.

    • Gbùrzë szkòdowóny przez chaje bë mielë jak nôrëchli zgłosëc nen fakt – w Agencje Resztrukturizacje i Mòdernizacje Gbùrzëznë.

    To sã tikô tak tëch co sã ùbiégają ò dopłatë jak i tëch co mają zòbòwiązania z titla wespiarcô z PROWù. Pierszim krokã żebë nie dostac sztrôfë je złożenié òbswiôdczeniô – klarëje Żanéta Jenta z pòmòrsczégò partu ARiMR. W krézach: chònicczim, bëtowsczim, kòscérsczim i dwùch gminach kartësczégò krézu gbùrzë mùszą so terô ùradzëc ze zniszczeniama w gòspòdarkach, a dzél z nich téż plonë zebrac. Temù je przërëchtowóny wzór òbswiôdczeniô cobë do minimùm skrócëc procedurã. Agencjô apelëje do szkòdowónëch przez chaje żebë òbswiôdczenia składac jak nôrëchli. Rëgnãła téż z pierszim nabòrã wniosków ò danié pòmòcë na òdtwòrzenié zniszczonëch składników gòspòdarczi jaczi mdze do 4 séwnika warôł.

    • Żukòwò 80 tës zł, Gdiniô pół mln – kaszëbsczé samòrządë na miarã swòjëch mòżlëwòtów chcą wesprzéc gminë szkòdowóné przez chaje. Dëtkòwą pòmòc deklarëją téż na Szląskù.

    Na Kaszëbach arkùn nôwicy szkòdów zrobił w krézach: chònicczim, bëtowsczim, kòscérsczim i dzélu kartësczégò. W całim regionie natëchstopach rëgnãłë zbiérczi nôbarżi brëkòwnëch rzeczów i materialnô pòmòc trafia do szkòdowónëch. Terô samòrządë sygają do swòjëch bùdżetów. Gmina Żukòwò mô wëasygnowac 80 tës. zł. . – pò pòłowie na rzecz Lëpùsza i Sëlëczëna. Radny mają ò tim zdecydowac 29 zélnika – zapòwiôdô bùrméster Żukòwa Wòjcech Kankòwsczi. Dzéń pò sesje w Żukòwie – w strzodã – sã zbierzą radny gardu Gdiniô. Tamtészi samòrząd planëje dac pół mln zł. Dëtkòwô pòmòc dlô szkòdowónëch na Kaszëbach trafi téż ze Szląska. Tamtészi wòjewódzczi samòrząd zadeklarowôł 400 tës. zł. dlô Sëlëczëna i sto tës. dlô Brus. Dëtkòwą pòmòc deklarëją téż niejedné szląsczé gardë – Rybnik, Wodzisław Śląski, Racibórz i Chorzów, a téż Sosnowiec.

    Radio Kaszëbë, 11:55 

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑