Słuchaj Radia Kaszebe
    Jinfòrmacëje

    Opublikowano 13 listopada, 2018 | przez Adóm Hébel

    0

    Klëka 2018.11.13 (csb)

    • Teatralnym szpëtôklã fejrowelë w ten wikeńd w Lëzënie.
    • Karno Sztudérów Pòmòraniô òrganizëje w czwiôrtk rekrutacjowé pòtkanié.
    • W gdińsczich Kòlibkach ùpamiãtnilë Witolda Kùkòwsczégò.

    WTÓRK, 13 smùtana

    • W ten wikeńd na binie fejrowelë – w Lëzënie.

    Tamtészi Regionalny Dramaticzny Teater zaprezeńtowôł szpëtôkel Spiącé Wòjskò ks. Bernata Zëchtë. To je drama jakô pòdjimô problém juwernotë naszińców i patrijotiznë. Wëstawilë gò w kaszëbsczim jãzëkù. Tradicjô szpëtôklów w Lëzënie sygô 20-tëch latów ùszłwgò stalata. Relacjã przërëchtowôł Gracjón Fópka.

    • Pòmòrańcowie òrganizëją w czwiôrtk – rekrutacjowé zéńdzenié.

    W jich rédżi mògą przińc sztudérczi i sztudérze z trzëgardzczich ùczbòwniów. Karno Sztudérów Pòmòraniô dzejô bez paùzë òd 1962 rokù i zbrzątwiô aktiwnëch młodëch – nié le z Kaszëb. Òd pół stalata przëznôwô Medal Stolëma za rozkòscérzanié ùróbkù Kaszëb i Pòmòrzô. Pòmòrańcowie òrganizëją téż Kònkùrs Wiédzë ò Pòòrzim, kùrs kaszëbsczégò jãzëka, wëjazdowé warkòwnie Remùsowa Kara i wëjazdë do Chëczë w Łątczińsczi Wigòdze. – Nama jidze ò to cobë cos dlô tatczëznë zrobic, a przë tim sã fejn bawic – klarëje przédniczka karna Éwelina Stefańskô. Rekrutacjowé pòtkanié mdze ju w czwiôrtk przë Straganiarsczi we Gduńskù. Pòtkanié w Kaszëbsczim Dodomù przë Straganiarsczi we Gduńskù mdze 15 smùtana ò 6:30 wieczór.

    • W Gdinie ùtczëlë pamiac – Witolda Kùkòwsczégò.

    Epitafium òdsłonilë w Kòlibkach. Kùkòwsczi to béł przedwòjnowi miéwca tegò terenu zamòrdowóny przez Miemców w piôsznicczich lasach. To béł téż załóżca bëdgòsczégò Diskòńtowégò Bankù, co wëkùpiwôł pòdjimnotë z miemiecczich rãków – m. jin. drëkarniã w Kòscérznie, dze wznowilë cządnik Grif założony przez Aleksandra Majkòwsczégò. Pamiątkòwą tôflã w Kòlibkach òdsłonilë dzãka starze mieszkańców. – Witóld Kùkòwsczi to je dlô naju wôżnô pòstacjô – òpisywô Henrik Wiszniowsczi. Rëchli Witolda Kùkòwsczégò ùpamiãtnilë w Gdinie Òrzłowie. Starą radzëznë fërtla 16 lat nazôd jegò miono dosta aléja co przedłëżiwô Promenadã Królewi Mariszenczi.

    Radio Kaszëbë, 11:55 

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.



    Komenatrze wyłączone.





    Back to Top ↑