Słuchaj Radia Kaszebe
    Wystawy

    Opublikowano 19 lipca, 2017 | przez Marcin Szczepański

    Kòlekcjã fòtografiów przedwòjnowëch méstrów we wejrowsczim mùzeùm

    Jak wëzdrzało żëcé na wejrowsczi zemie sto lat nazôd, co mógł pòtkac na drodze ze Gduńska do Lãbòrga – to mòże òbezdrzec we wejrowsczim mùzeùm. Tam je òdemkłi wëstôwk pòswiãcony ùtwórstwù przedwòjnowëch méstrów òbiektiwù.

    – Dokùmeńtëją Kaszëbë jaczich më ju dzys nie ùzdrzimë – gôdô kùstosz wëstôwkù Macéj Kùrpiewsczi.

    Òna sã skłôdô ze 150 òdjimków i widokówków aùtorstwa Aùgùstina Nécla, Artura Rogoscha, Wilhelma Gutzloffa czë Bruna Riebanda. Wëstôwk to mòże zwiedzywac do kùńca zélnika. Na kùpienié ekspònatów mają wëdóné kòle 50 tës. zł, w 80 proceńtach kòszt mô ùdëtkòwioné wejrowsczi krézowi samòrząd. – To są dobrze wëdóné dëtczi – òceniwô starosta Gabriéla Lisius i deklarëje dalszé wespiarcé. Zasób òsoblëwëch fòtografiów Mùzeùm Kaszëbskò-Pòmòrsczi Pismieniznë i Mùzyczi we Wejrowie mô sã ju drëdżi rôz zwikszoné. Łoni przë pòmòcë Minysterstwa Kùlturë i Nôrodny Spôdkòwiznë i wejrowsczégò starostwa placówka kùpia kòlekcjã 300 òdjimków Aùgùstina Zimensa.

    Klëka Radia Kaszëbë, 19.07.2017 | Foto: Muzeum Wejherowo

    Udostępnij: Share on Facebook0Share on Google+0Print this pageEmail this to someone

    Tagi:








    Back to Top ↑