Słuchaj Radia Kaszebe
    Wejrowò

    Opublikowano 24 kwietnia, 2017 | przez Adóm Hébel

    Kònferencjô pòswiãconô Janowi Trepczikòwi pòprzédzëła Festiwal Piesnie ò Mòrzu

    Piątkòwi pòrénk we wejrowsczim mùzeùm minął pòd znakã Méstra Jana, jegò ùtwórstwa i dzejalnoscë. Aùtór kaszëbsczégò himnu béł przedstawiony na wëstąpieniach a téż wëstôwkù, jaczi prezeńtëje kòżdi gón, na jaczim dzejôł Trepczik.

    – Mòżemë gò téż pòznac prosto jakno człowieka – pòwiôdô wnuk Trepczika Radosłôw Kamińsczi jaczi je aùtorã wëstôwkù.

    Rollupë mają pòkazac jegò i jakno artistã i dzejarza jaczi pòtikôł sã z represjama. Mòżemë na wëstôwkù pòznac téż dzeje represjów z jaczima Méster Jón sã pòtikôł. Temù pòswiãconô bëła prelekcjô Sławòmira Fòrmelë, historika jaczi na łamach miesãcznika Pòmeraniô zajimô sã témą dzejaniów Krëjamnëch Służbów. Co wôżné, Trepczika traktowalë lëchò nié le kòmùnyscë, le ùstëgòwanié zaczãło sã przed wòjną – przekònywô Fòrmela. Kònferencjô bëła zòrganizowónô w 110 roczëznã ùrodzeniô aùtora pòlskò-kaszëbsczégò słowarza. Rollupòwi wëstôwk je do òbezdrzeniô w Mùzeùm Kaszëbskò-Pòmòrsczi Pismieniznë i Mùzyczi we Wejrowie, mô sã pòjawiac téż w jinëch placach.

    Foto: Facebook/fopke

    Klëka Radia Kaszëbë, 24.04.2017

    Udostępnij: Share on Facebook0Share on Google+0Print this pageEmail this to someone


    O zespole







    Back to Top ↑