Słuchaj Radia Kaszebe
    Kaszëbë

    Opublikowano 28 marca, 2017 | przez Adóm Hébel

    Môłé nôrodë Eùropë pòtkają sã w Katowicach

    W tim tidzeniu môłé nôrodë Eùropë pòtkają sã w Katowicach – strzód nich më Kaszëbi. Eùropejskô Wòlnô Przëstojizna òrganizëje Òglowi Zjôzd, ji gòspòdarzã je Rësznota Aùtonomie Szląska.

    Wizytã ju zaczinają gòsce z nôrodów – nôleżników EFA. 1 łżëkwiata zapòwiôdô sã szerokô gôdka na témã sytuacje Kaszëb. Ana Kòscukewicz-Jabłońskô przedstawi kòncepcjã Pòmòrzégò jakno wielekùltorowégò rëmù w jaczim më Kaszëbi stanowimë pòdmiot. Tegò samégò dnia mdze debata ò pòliticzny sytuacje na Kòrsyce i ò krokach w stronã samòstójnotë Katalonie. Dzéń pózni planëje sã dwie debatë – ò nôrodach bez prawów do ùżiwaniô jãzëka i ò sôdzëwëch skôzónëch za swòjã dzejalnosc. Òglowi Zjôzd Eùropejsczi Wòlny Przëstojiznë je co dwa lata òrganizowóny. Ùszłô edicjô bëła w Bùdzëszënie, gòspòdarzama bëlë Sorbòwie.

    Midzënôrodné pòtkania są leżnoscą nié le do pùblëcznégò zabiéraniô głosu, le téż wëmianë doswiôdczeniów i wzéraniô na rozrzeszenia jaczé mòże wprowadzëc kòl sebie.

    Klëka Radia Kaszëbë, 28.03.2017

    Udostępnij: Share on Facebook0Share on Google+0Print this pageEmail this to someone


    O zespole







    Back to Top ↑