Słuchaj Radia Kaszebe
    Lãborg

    Opublikowano 9 stycznia, 2017 | przez Adóm Hébel

    Nie żëje Frãc Òkùń – czerownik karna Levino

    Smùtné wiadło z Lãbòrga. Nie żëje Frãc Òkùń – czerownik karna Levino òdeszedł ò 2:15 w nocë w niedzelã. Jakno kùlturalny dzejôrz i jinstrumeńtalista béł zrzeszony z karnã Levino dze doprowadzył do wëdaniégò czile platków a téż wespółrobił z chùrã Lutniô przë Kaszëbsczi Mszë na chùr i diôbelsczé skrzëpice.

    W jinternece, òsoblëwie na profilu miesãcznika Pòmeraniô na Facebookù pòjôwiają sã spòminczi lëdzy jaczi mielë z nim wespółrobioné. Pamiãtają gò jakno energicznégò, robòcégò i wiesołégò człowieka, chteren wiedno “do òdjimków stôwôł z bòkù”. Mszô w jintencje ùmarłégò mdze sanktuarium sw. Jakóba w Lãbòrgù we wtórk ò 9 reno. Pół gòdzënë rëchli zacznie sã różeńc. Pògrzéb mdze w Lesniewie w strzodã ò 11. Dzéń rëchli w lesniewsczi kaplëcë ò pół sódmi sã zacznie Pùstô noc.

    Klëka Radia Kaszëbë, 09.01.2017

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑