Słuchaj Radia Kaszebe

    Opublikowano 17 stycznia, 2017 | przez Adóm Hébel

    Paùel Rita – 1% na zjiscywanié snieniów i ùczbã żëcô

    Pòmòrsczé Hòspicjum dlô dzecy rôczi do zapisaniô jima 1% pòdatkù przë leżnoscë rozrechòwiwaniô sã z fiskùsã. To je domôcô placówka, co znaczi, że szpecjaliscë jadą do chëczów, dze smiertelno chòré dzecë żëją ze swòją familią. Pòmôgają jima òd stronë mediczny, le téż zjiscywają jich snienia.

    „Dzôtczi w tragiczny zdrowòtny sytuacje ni mają drëchów. To më jesmë jich kòlegama” – gôdôł Paùel Rita z hòspicjum – „W jich òczach je widzec prôwdzëwą redotã z kòżdégò dnia jaczi jima òstôł”.

    To je nót pòmòcë, bò do pòdòpiecznëch nierôz sã jedze 100 km. To sã zdôrzô, że dozérnica jadącë òd jednégò placu do drëdżégò òb dzéń „robi” pół tësąca km. Dlôte wiôlgą pòmòcą je òdebróny w pòniedzôłk z fùndacje Jerzégò Òwsôka aùtół. Temù téż lëdze zrzeszony z hòspicjum proszą ò pòmòc w akcje „Jô kòchóm sã bùdzëc”. Sygnie òdpisac 1% pòdatkù na ten cél. Wiadła ò tim jidze nalézc na pomorskiehd.pl

    Më rôczimë do pòsłëchaniô gôdczi ò tim jak wiele pòmòcë je nót ùmiérającym dzecóm, a téż jak wiele òne mògą naju naùczëc…

    Dobri Dzéń Kaszëbë, 16.01.2017

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑