Słuchaj Radia Kaszebe
    NW Kaszëbë

    Opublikowano 17 grudnia, 2016 | przez Adóm Hébel

    0

    Pùrtcë – òd stëcznika nowé wëstãpë

    Czejbë më mielë dac titel „Skeczu rokù” tej zycher nominacjô bë nie òmina „Spòwiédzë” kabaretu Pùrtcë. Ten i jiné szpòrtë mdze mógł òbezdrzec na żëwò w stëcznikù w nowim cyklu wëstãpów nordowi fòrmacje.

    Szëmón Helãd i Wòjcech Cylka pòdrechòwiwają 2016 rok, jaczi béł czasã brzadnym w wëstãpë, ale téż w bëtnosc w spòlëznowëch mediach. Na jich facebookòwim fanpejdżu „Kabaret Pùrtcë” pòjôwiają sã nié le terminë wëstãpów le téż òdjimczi i, co nôwôżniészé filmë z nôlepszima wëjimkama skeczów.

    Wiele kabaretów sã smieje z ksãżi przë spòwiédzë. Më to òdwrócëlë i sã zãbòlimë z wiérnëch przë kònfesjonale” – klarëje Wòjcech Cylka.

    Fòrmacjô 2017 rok zacznie òd zerie wëstãpów w gminie Pùck pòd pòspólnym titlã „Kabaretné wieczorë”. Na wëstãpach pùblëcznosc ùzdrzi nôlepszé numrë z całi historie kabaretu, ale téż premierowé wëkònania. Kòmédiańcë zdrôdzają jak pòwstôwają jich skecze i czë òni co bierzą przed wëstãpã.

    Kabaret Pùrtcë na naszi antenie sã pòjawił w aùdicje Szpòrt mùszi bëc, do wejrowsczi Kwelë przëcygnął wielną pùblëcznosc. Terô w nagranim téż czëjemë szpòrtë w jich wëkònanim.

    Na widnikù Kaszëbë, 15.12.2016

     

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.



    Komenatrze wyłączone.





    Back to Top ↑