Słuchaj Radia Kaszebe
    NW Kaszëbë

    Opublikowano 19 kwietnia, 2017 | przez Adóm Hébel

    Słowiańsczé nôrodë w EFA

    Më dërch gôdelë ò tim Zjezdze EFA w Katowicach, to je baro wôżnô sprawa temù téż wiele placu na naji antenie temù bëło pòswiãconé. Terô chcemë na to pòtkanié wëzdrzec përzinkã luzni.

    Kaszëbskô Jednota jakô bëła gòscã tegò zjôzdu mô ògłoszoné Rok Kaszëbów westrzód słowiańsczich nôrodów i prawie tëch słowiańsczich nôrodów szukôł Adóm Hébel. Pòtkôł mieszkańców Rijeczi – gardu w Chòrwacje jaczi chce miec aùtonomiã. Czemù jima na tim zanôlégô? To jemù rzekł jeden z przedstôwców partie Lista za Rijeku.

    Rok Kaszëbów westrzód słowiańsczich nôrodów to je leżnosc, żebë sã jintegrowac. Karól Róda – przédnik Kaszëbsczi Jednotë rzekł na naji antenie, że pòdobné historiczné doswiôdczenia i jãzëk pòzwòliwają wespółrobic nama w żëczny atmòsferze. To je prôwda i to bëło widzec na pòtkanim EFA w Katowicach. Na Szląsk zjachelë przedstôwcowie niereprezeńtowónëch nôrodów z całi Eùropë, ale ti Słowianowie sã pò prôwdze fejn dogôdiwelë. A nasz kòlega Adóm Hébel nôlepi sã rozmiôł z Mòrawianama.

    Na widnikù Kaszëbë, 3.04.2017

    Udostępnij: Share on Facebook0Share on Google+0Print this pageEmail this to someone


    O zespole







    Back to Top ↑