Słuchaj Radia Kaszebe
    Biegi

    Opublikowano 13 grudnia, 2018 | przez Sylwia Bartosik

    Spòrtowé fejrowanié Dnia Jednotë we Wiôldżi Wsë

    To sã ju mòże zapisywac na spòrtowé fejrowanié Dnia Jednotë Kaszëbów we Wiôldżi Wsë. Òkróm biégów i marszu mają téż przërëchtowóné paradã do kòłów. Swiãto przëpôdô na 19 strëmiannika i przëbôcziwô ò naji dłudżi historie. Më je fejrëjemë na wdôr pierszi nadczidczi w papiesczi bùllë z 13égò stalata.

    Métlów fejrowaniô je tëli co swiãtëjącëch, we Wiôldżi Wsë tradicją są spòrtowé miónczi. Zaczãło sã òd Biégù Jednotë Kaszëbów – terô to dô jegò czwiôrtą edicjã. Do ùstnëch są distansë 5 i 10 km, dzôtczi ùpamiãtnią datã biégã na 1238 métrów. To dô téż 3-cy Marsz Jednotë Kaszëbów – 5 km dlô lubòtników nordic walking. Pierszi rôz òrganizowónô je Parada Jednotë Kaszëbów – przejôzd na kòle na 5 km. Wszëtczé ne wëdarzenia bądą 16 strëmiannika na drëdżi rok, zapisywac to sã mòże przez jinternetowi fòrmùlar. Òdnosnik wa nalézeta na Faccebookù Stowôrë Kaszëbskô Jednota. To je wespółòrganizatór fejrowaniô Dnia Jednotë Kaszëbów we Wiôldżi Wsë wespół z tamtészim Ceńtrum Kùlturë, Promòcje i Spòrtu ë z klubã Klif Chlapòwò.

    Klëka Radia Kaszëbë, 13.12.2018

    Udostępnij: Share on Facebook0Share on Google+0Print this pageEmail this to someone

    Tagi:


    O zespole







    Back to Top ↑