Słuchaj Radia Kaszebe
    NW Kaszëbë

    Opublikowano 24 marca, 2016 | przez Adóm Hébel

    Szescdzesątka jednégò z nôwikszich pisarzów

    60 lat żëcô, z czegò wikszi dzél to czas niezwëczajnégò ùtwórstwa. W piątk w biblotece w Bólszewie béł benefis Stanisława Janczi – jednégò z nôwikszich dzysdniowëch pisarzów.

    Pòtkanié bëło ùczałą kònferencją, na jaczi wëstąpilë midzë jinyma prof. Édwôrd Breza i Dariusz Majkòwsczi. Ùczałi sã przëzérelë ùtwórstwù i dolmaczënkóm Stnaisława Janczi. Òkróm tegò wielno zéńdzony gòsce mielë leżnosc sã zapòznac z nowima wiérztama aùtora zebrónyma w zbiérkù “Szescdzesątka” jaczi béł tedë promòwóny. Prestiżu całémù pòtkaniémù doda bëtnosc samòrządarzów, pòlitików i hònórny patronat przedstôwcë PEN Klubù – elitarny swiatowi òrganizacje pisarzów, jaczich jubilat je nôleżnikã. To je wiôlgô éra dlô bibloteczi, że taczi wiôldżi lëdze z nama wespółrobią – cwierdzy Janina Bòrchman, direchtórka bibloteczi.

    Ten jeden z nôwikszich kaszëbsczich pisarzów wëdôł zbiérk Szescdzesątka, w jaczim òkróm jegò 32 wiérztów to dało téż wëwiôd jaczi z nim zrobił Macéj Tamkùn, malôrz. Chcemë pòsłëchac co ten artista ò drëdżim artisce mô do rzekniãcô.

    Na zéńdzenim bëlë téż jiny pisarze, w tim Bòżena Ùgòwskô, jakô ze zôzdroscą zdrzi na Stanisława Janczi ùróbk.

    Na widnikù Kaszëbë, 22.03.2016

    Udostępnij: Share on Facebook0Share on Google+0Print this pageEmail this to someone

    Tagi: ,


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑