Słuchaj Radia Kaszebe
    Edukacja

    Opublikowano 20 marca, 2018 | przez Adóm Hébel

    Szkòła, jakô drëszno traktëje kòżdégò ùczniaka – Naja Szkòła

    Z leżnoscë Dnia Jednotë Kaszëbów spòlëzna priwatny spòdlëczny szkòłë Naja Szkòła zòrganizowa Òdemkłi Dzéń.

    – Më prażimë przëblëżëc gòscóm i ùczniakóm żëcé najëch przódków Słowianów i Wikingów – pòwiôdô Malwina Òrłowskô.

    Starszi, a téż dzecë co zwiedzywałë szkòłã òbezdrzelë film jaczi pòstôł w òbrëmienim zajmów ùczniaków, teatralny przedstôwk wëstawiony wëcmanim przez szkólnëch i ùczniaków i wzãlë ùdzél w przikładowëch lekcjach dlô młodszich i  starszich. Richtich atrakcjąbéł pòkôzk ruchnów i ùzbrojeniô z X stalata naji erë. Zycher nié le żëwô ùczba historie to bëła téma Òdemkłégò Dnia. Starszi co przëszlë na pòtkanié szëkùją za placówką co traktëje dzecë jindiwidualno zdrzącë na jich pòtrzebë i trimë. Taczé wëòbrażenié ò dzysdniowi edukacje mô Òlina mëma, Magda Holk. Òdemkłi Dzéń je zrzeszony z nabòrã dzecy na szkòłowi rok 2018/19. Zajinteresowónëch wësłanim dzecy do ti dwajãzëkòwi szkòłë jô òdsélóm na stronã najaszkola.eu.

    Wëwiadë wëzwëskóné w tim beszice przeprowadzëłë dzecë w IV klasë.

    Klëka Radia Kaszëbë, 20.03.2018 | Foto: Naja Szkòła

    Udostępnij: Share on Facebook0Share on Google+0Print this pageEmail this to someone

    Tagi:


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑