Słuchaj Radia Kaszebe
    Kaszëbë

    Opublikowano 9 listopada, 2017 | przez Adóm Hébel

    Tu sã gôdô pò kaszëbskù – taczi nalimczi mdą na rutach krómów

    Tu sã gôdô pò kaszëbskù – nalimczi z taczim nôdpisã mdą na rutach krómów i restaùracjów, dze mòżna sã dogadac z òbsłëgą pò naszémù. Ùdba wëszła òd Młodëch Kaszëbów. Dzãka temù ti, co gôdają pò kaszëbskù mdą wiedzelë, dze mògą załatwic sprawã, òbsztëlowac jestkù, czë zrobic sprawùnczi w swòjim òjczëstim jãzëkù.

    – Taczé òdznaczenié mô nobilitowac, temù téż mùszi na nie zasłużëc – gôdô Katarzëna Kankòwskô-Filëpiôk, przédniczka Karna Młodëch Òska z Lëzëna.

    Òkróm nalimczi miéwcowie lokalów dostną certifikatë, jaczé pòcwierdzywają jãzëkòwé kòmpetencje jich robòtników. Na terô Młodi Kaszëbi pòcwierdzëlë kaszëbskòsc w 10 lokalach, pòsobné 15 żdże za werifikacją. Na terô miéwcowie placów dze sã gôdô pò kaszëbskù są z krézów kartësczégò i wejrowsczégò. Kòżdi mòże zgłosëc skłôd, kawnicã, czë jiny lokal, dze jidze załatwic sprawë pò kaszëbskù. Na stronie mlodi-kaszebi.com są kòntaktowé pòdôwczi.

    Klëka Radia Kaszëbë, 09.11.2017

    Udostępnij: Share on Facebook0Share on Google+0Print this pageEmail this to someone


    O zespole

    Redachtór aùdicjów Na Widnikù Kaszëbë i Dobri Dzéń Kaszëbë. Pùblikùje w Bôłtëcczim Dzénnikù, Pòmeranie i Kaszëbsczi Zemie. Prowadzy blog hebel.kaszubia.com. Kòmédiańt, nôleżnik kabaretu Kùńda i czerownik teatru Zymk.







    Back to Top ↑